गंगाम्हाळुंगीजवळ वर्‍हाडाचा टेम्पो उलटला; १६ गंभीर जखमी

नशेबाज चालकाला बेदम चोपनाशिक : गंगाम्हाळुंगी येथे लग्नसमारंभ आटोपून माघारी येत असलेल्या वर्‍हाडाचा टेम्पो उलटून झालेल्या अपघातात १६ जण गंभीर जखमी झाले़ यातील दोघांची प्रकृती चिंताजनक आहे़ दारूच्या नशेत भरधाव टेम्पो पिटाळणार्‍या चालकामुळेच टेम्पो उलटल्याचे प्रत्यक्षदर्शींनी सांगितले़ अपघातानंतर वर्‍हाडींसह उपस्थितांनी चालकाला बेदम चोप देत पोलिसांच्या स्वाधीन केले़ या अपघातात सखूबाई ठमके (५५), अशोक मुरलीधर ठमके (१८), भागाबाई मुरलीधर ठमके (३५), वामन सावळीराम ठमके (४५), पार्वतीबाई तोया ठमके (६०), अलका अशोक ठमके (२८), नंदा निवृत्ती ठमके (३४), उत्तम आनंद दिवे (१६), गोरख आनंद दिवे (१८), मोहन शिवराम बेंडक ोळी (१८), रंगनाथ राम ठमके (६५), सुमन रंगनाथ ठमके (६०), समाधान काशीनाथ ठमके (१६), गणेश काळू आचारी (२०), राहुल कोंडाजी ठमके (१२), मोहन कोंडाजी ठमके (१६) सर्व राहणार गणेशगाव त्र्यंबक हे गंभीर जखमी झाले आहेत़ इतर सुमारे आठ ते दहा किरकोळ जखमींना उपचार करून त्यांना सोडून देण्यात आले़ याबाबत प्रत्यक्षदर्शींनी दिलेल्या माहितीनुसार गणेशगाव येथील शंकर संतू ठमके याचा विवाह गंगाम्हाळंुगी येथील अनिता शंकर फ साळे हिच्याशी गंगाम्हाळुंगी गावात दुपारी पार पडला़ लग्नसमारंभानंतर माघारी परतणार्‍या गणेशगाव येथील वर्‍हाडाचा आयसर टेम्पो म्हाळुंगीपासून काही अंतरावर आल्यानंतर अचानक उलटला़ चालक दारू पिऊन टेम्पो चालवत असल्यानेच हा अपघात झाला़ चालकास नागरिकांनी बेदम चोप देत पोलिसांच्या ताब्यात दिले़ एसटीने दिले जीवदान टेम्पो उलटल्यानंतर काही वेळातच पाठीमागून गंगाम्हाळुंगी- नाशिक बस (क्र .एमएच १२, ईएफ -६२२९) आली़ चालक एस़ बी़ सांगळे व वाहक बी़ एऩ वाघमारे यांनी माणुसकी दाखवत अपघातातील सर्व जखमींना नागरिकांच्या सहाय्याने बसमध्ये बसवून घेतले व तत्काळ सदर बस थेट जिल्हा रुग्णालयात नेली़ यामुळे जखमींना वेळीच उपचार मिळाल्याने अनेकांचे प्राण वाचले़ एसटी ऐनवेळी देवाप्रमाणे धावून आल्याची प्रतिक्रिया जखमींनी व्यक्त केली़ महिलेचे प्रसंगावधान अपघातग्रस्त टेम्पोतून किरकोळ जखमी झालेल्या कमल गणपत ठमके या महिलेने अपघातानंतर प्रसंगावधान दाखवत सर्व जखमींना एस़टी़ बसमध्ये चढण्यास व बस जिल्हा रुग्णालयात आल्यानंतर प्रत्येक जखमीला उतरण्यास तसेच जिल्हा रुग्णालयात डॉक्टरांना जखमींवर उपचार करताना जखमींना पकडणे, जखमेजवळील कापड बाजूला करून जखम उघडी करून देणे अशी मोठी मदत केली़ प्रत्येक जखमीचे उपचार पूर्ण होईपर्यंत त्या आपुलकीने विचारपूस करत होत्या़ इतक्या मोठ्या अपघातात पुरुष हतबलपणे बसले असताना, कमल ठमके यांनी दाखवलेल्या प्रसंगावधानाचे डॉक्टरांनीही कौतुक केले़ फ ोटो क्रमांक - 08पीएचएमए105,106फ ोटो कॅप्शन - गंगाम्हाळुंगी अपघातातील जखमींना जिल्हा रुग्णालयात बसमधून उतरवताना नागरिक़