उड्डाणपूलावरील अपघातात दोघे ठार

द्वारका उड्डाण पुलावर मध्यरात्री झालेल्या ट्रकच्या भीषण अपघातात तीन जखमी झाले आहेत. एकाची प्रकृती गंभीर आहे.

 नाशिक : शनिवारी मध्यरात्री तीन वाजेच्या सुमारास द्वारका येथे उड्डाणपूलावर झालेल्या ट्रकच्या भीषण अपघातात दोघे जण जागीच ठार झाले आहे. या अपघातात गंभीर जखमी असलेल्या एकाची प्रकृती चिंताजनक आहे. पोलिसांनी दिलेली माहिती अशी, ओझरकडून नाशिककडे येणारा ट्रक ( एम.एच.१८ एए९९४८) हा उड्डाणपूलावर टायर पंक्चर झाल्याने नादुरूस्त झाला. त्यामुळे चालकाने उडडाणपूलावरील संरक्षक कठड्यालगत ट्रक उभा करुन टायर बदलण्याचे काम सुरू केले. यावेळी पाठीमागून भरधाव आलेल्या ट्रक ने (यूपी ७५एम५३५३)नादुरूस्त झालेल्या ट्रकला जोरदार धडक दिली. या धडकेत ट्रकचे टायर खोलणाºया चालक, वाहकाचा जागीच मृत्यू झाला. मयत तरूणांपैकी एकाची ओळख पटली असून महेशसिंग गंगासिंग (२७) (रा.उंबरी मध्यप्रदेश) दुसºया मयत तरूणाचे वय २२ वर्षे असून त्याची ओळख पटविण्याचे काम सुरू आहे. पाठीमागून धडक लेल्या ट्रकमध्ये बटाटा भरलेला होता व तो मुंबईकडे जात होता. घटनेची माहिती मिळताच राष्टÑीय महामार्ग प्राधिकरणाच्या रुग्णवाहिका, पोलीस, क्रेन घटनास्थळी पोहचले. जखमींना तातडीने नाशिकच्या जिल्हा शासकिय रुग्णालयात हलविण्यात आले. दरम्यान, दोघांचा जागीच मृत्यू झाल्याचे डॉक्टरांनी तपासून मयत घोषित केले. गंभीर जखमी झालेल्या अशोक मांगीलाल चव्हाण (२५,रा. रुई) याच्यावर अतिदक्षता विभागात उपचार सुरू आहे. याप्रकरणी पोलिसांनी ट्रकचालक अमजद अब्दुल शकूर यास ताब्यात घेतले आहे. मुंबई नाका पोलिसांनी अपघाताचा गुन्हा दाखल केला असून अधिक तपास पोलीस करीत आहेत.