निमा निवडणुकीचे आज चित्र स्पष्ट होणार

: नाशिक इंडस्ट्रीज अ‍ॅन्ड मॅन्युफॅक्चरर्स असोसिएशन (निमा) च्या द्वैवार्षिक निवडणुकीत सत्ताधारी एकता पॅनल आणि उद्योग विकास पॅनल अशी सरळसरळ लढत होत आहे. रविवारी माघारीचा शेवटचा दिवस असून, दोन्ही पॅनलकडून शेवटच्या क्षणापर्यंत अधिकृत उमेदवारी जाहीर करण्यात आलेली नसल्याने उमेदवारांचा हिरमोड झाला आहे. आता माघारीनंतरच खरे चित्र स्पष्ट होणार आहे.

सातपूर : नाशिक इंडस्ट्रीज अ‍ॅन्ड मॅन्युफॅक्चरर्स असोसिएशन (निमा) च्या द्वैवार्षिक निवडणुकीत सत्ताधारी एकता पॅनल आणि उद्योग विकास पॅनल अशी सरळसरळ लढत होत आहे. रविवारी माघारीचा शेवटचा दिवस असून, दोन्ही पॅनलकडून शेवटच्या क्षणापर्यंत अधिकृत उमेदवारी जाहीर करण्यात आलेली नसल्याने उमेदवारांचा हिरमोड झाला आहे. आता माघारीनंतरच खरे चित्र स्पष्ट होणार आहे.  निमाच्या निवडणुकीत दोन पॅनलमध्ये निवडणूक होणार असल्याचे चित्र स्पष्ट झाले आहे. दोन्ही पॅनलकडे इच्छुकांची संख्या मोठी आहे. त्यात सत्ताधारी एकता पॅनलकडे सर्वाधिक इच्छुकांची संख्या आहे. त्यामुळे साहजिकच उमेदवार निवडताना अन्य उमेदवार नाराज होण्याची शक्यता गृहीत धरून उमेदवार जाहीर केले जात नसल्याचे समजते. रविवारी सायंकाळी ६ वाजेपर्यंत माघारीची वेळ आहे. एकता पॅनलच्या श्रेष्ठींनी बहुतांश उमेदवारांची उमेदवारी निश्चित केल्याचे समजते. माघारीच्या वेळेपूर्वी उमेदवार घोषित करण्याची व्यूहरचना केली जात आहे. या निवडणुकीसाठी २९ जुलै रोजी मतदान होणार असून, निमाच्या घटनेनुसार पहिल्या वर्षी मोठ्या उद्योग घटकासाठी अध्यक्षपद राखीव आहे. तर सरचिटणीस, खजिनदार प्रत्येकी एक पद, उपाध्यक्ष २ पदे त्यात लघु आणि मोठ्या उद्योग घटकासाठी, सचिव २ पदे त्यात लघु आणि मोठ्या उद्योग घटकासाठी आणि सिन्नर, दिंडोरी यांसह कार्यकारिणीच्या ३४ अशा ४१ पदांसाठी ही निवडणूक घेण्यात येणार आहे.