नाशिक : शहरात दोघांनी गळफास, तर एकाने विषारी औषध प्राशन करून आत्महत्त्या केल्याची घटना घडली आहे़ इंदिरानगर परिसरात राहणारा अल्पवयीन मुलगा मयूर दिनकर साबळे (१५, रा़ नंदनवन अपार्टमेंट, प्रसादनगर, अंबड) याने घराच्या छताला दोरीच्या सहाय्याने गळफास घेतला़ त्याला उपचारासाठी वडील दिनकर साबळे यांनी जिल्हा रुग्णालयात दाखल केले असता डॉ़ धूम यांनी तपासून मयत घोषित केले़ दरम्यान, मयूरने आत्महत्त्या का केली या कारणांचा पोलीस शोध घेत असून, अंबड पोलीस ठाण्यात अकस्मात मृत्यूची नोंद करण्यात आली आहे़दुसरी आत्महत्त्येची घटना शिवाजीनगर येथे घडली़ बनसोडे रेशन दुकानाजवळ राहणारी रूपाली शिवनाथ देवकर या १७ वर्षीय मुलीने राहत्या घरी ओढणीच्या साहाय्याने गळफास घेऊन आत्महत्त्या केली़ या प्रकरणी गंगापूर पोलीस ठाण्यात अकस्मात मृत्यूची नोंद करण्यात आली आहे़तिसरी घटना गंगापूर परिसरातील समर्थनगर येथे घडली़ या ठिकाणी राहणारे आदित्य अरुण देशपांडे (२७) यांनी सोमवारी दुपारच्या सुमारास राहत्या घरी विषारी औषध प्राशन केले़ त्यांना उपचारासाठी जिल्हा शासकीय रुग्णालयात दाखल केले असता वैद्यकीय अधिकाऱ्यांनी मयत घोषित केले़ (प्रतिनिधी)
शहरात तिघा जणांची आत्महत्त्या
By admin | Updated: November 12, 2014 00:27 IST