पाडळीजवळ गोमास घेऊन जाणारा टेम्पो उलटला

नांदुरवैद्य : इगतपुरी तालुक्यातील पाडळी देशमुख ते शेणवड खुर्द दरम्यान असलेल्या नाशिक - मुंबई महामार्गावर असलेल्या महाराष्ट्र हॉटेलसमोर गोमास घेऊन जाणारा टेम्पो पलटी झाला असून टेंपो चालक फरार झाला आहे. नाशिक - मुंबई महामार्गावरील पाडळीजवळ असणा-या महाराष्ट्र हॉटेलसमोर मालेगावहुन मुंबईकडे जाणारा टेम्पो ( क्र मांक. एम.एच.०४/सीए ६५९८) हा गोमास घेऊन जात असतांना पलटी झाला आहे. या घटनेची माहिती मिळताच वाडीव-हे पोलिस स्टेशनचे पोलिस कर्मचारी घटनास्थळी दाखल झाल्यानंतर पंचनामा करण्यात आला. पंचनामा झाल्यानंतर फरार चालकाविरु द्ध वाडिव-हे पोलिस ठाण्यामध्ये गुन्हा नोंदवला आहे. यावेळी घटनास्थळी इगतपुरी राष्ट्रवादीचे संपर्कप्रमुख किरण मुसळे व सामाजिक कार्यकर्ते प्रवीण वाजे तसेच वाडीव-हे पोलिस स्टेशनचे पोलिस कर्मचारी आहिरे व कदम उपस्थित होते.