पेठ तालुक्यात बोर्डिंगपाडा येथे कोविड केअर सेंटर तयार करण्यात आले असून, ग्रामीण रुग्णालयातही काही बेड कोविड रुग्णांसाठी ठेवण्यात आले आहेत. आपत्कालीन परिस्थितीत कस्तुरबा गांधी बालिका विद्यालयात १०० बेडची व्यवस्था करण्यात आली आहे.
ग्रामीण रुग्णालयात ऑक्सिजन सिलिंडरचा तुटवडा जाणवत असल्याने तालुक्यातील लोकप्रतिनिधी, अधिकारी, कर्मचारी व स्वयंसेवी संस्था यांनी लोकवर्गणी करून ऑक्सिजन सिलिंडर व पाइपलाइन करून देण्याबाबत तयारी दर्शवली असून, तत्पूर्वी अत्यावश्यक रुग्णांसाठी वाढीव सिलिंडर मिळावेत अशी मागणी करण्यात येत आहे.
कोरोनाविरुद्धची लढाई जिंकण्यासाठी ४५ वर्षे वयावरील नागरिकांनी लस घेणे आवश्यक असताना पेठ तालुक्यात लसीकरणाबाबत प्रचंड उदासीनता जाणवत आहे. तालुक्यात ८ ठिकाणी लसीकरणाची व्यवस्था करण्यात आली असली तरी नागरिकांचा मात्र थंड प्रतिसाद आहे.
पेठमध्ये १५ दिवसांचा जनता कर्फ्यू
कोरोना संसर्गाची साखळी खंडित करण्यासाठी पेठ नगरपंचायत क्षेत्रासह तालुक्यात १७ ते ३० एप्रिल दरम्यान जनता कर्फ्यू पाळण्यात येत आहे.
फोटो - २२ पेठ कोरोना
पेठ येथील कोविड सेंटरमध्ये स्वॅब संकलनासाठी आलेले रुग्ण.
===Photopath===
220421\22nsk_8_22042021_13.jpg
===Caption===
पेठ येथील कोवीड सेंटर मध्ये स्वॅब संकलन साठी आलेले रुग्ण