शिक्षकाकडून विद्यार्थिनींचा विनयभंग नाशिक केंब्रिज स्कूलमधील प्रकार : पालकांकडून बेदम चोप : पोलिसांत गुन्हा दाखल

इंदिरानगर : विद्यार्थिनींसोबत अश्लील चाळे व भाषा वापरणाऱ्या नाशिक केंब्रिज स्कूलच्या एका शिक्षकाला पालक व मनविसेच्या पदाधिकाऱ्यांनी शुक्रवारी चांगला चोप दिला़ या शिक्षकावरील कारवाईसाठी शाळेच्या मुख्याध्यापक व संचालकांना घेरावही घालण्यात आला़ दरम्यान, या प्रकरणी पालकांनी दिलेल्या फि र्यादीवरून इंदिरानगर पोलीस ठाण्यात शिक्षकाविरुद्ध विनयभंगाचा गुन्हा दाखल करण्यात आला असून, त्यास अटक करण्यात आली आहे़ याबाबत अधिक माहिती अशी की, वडाळा-पाथर्डी रस्त्यावरील सार्थकनगरमध्ये नाशिक केंब्रिज स्कूल आहे़ या शाळेतील सॅम्पो लामा (मूळ राहणार दार्जिलिंग) हा शिक्षक इयत्ता सहावी ते नववीच्या विद्यार्थ्यांना शिकविण्याचे काम करतो़ सॅम्पो लामा हा शिक्षक गेल्या वीस दिवसांपासून शिकवत असताना, विद्यार्थिनींशी अश्लील चाळे व भाषेचा वापर करीत होता़ त्यामुळे त्यांच्या तासास बसण्यास बहुतेक विद्यार्थिनी घाबरून शेवटच्या बाकावर बसत होत्या़ मात्र तरीही लामा या विद्यार्थिनींच्या जवळ बसून अंगलट करीत असे़ यातील काही विद्यार्थिनींनी हा प्रकार पालकांना सांगितला़ या प्रकारामुळे संतप्त झालेल्या पालकांनी गुरुवारी (दि़ २६) शाळेत जाऊन सॅम्पो लामा यास जाब विचारून चांगला चोप दिला व कारवाईची मागणी केली़ यावेळी मुख्याध्यापक सी़ सोनू यांनी पालकांना उडवाउडवीची उत्तरे दिली़ या प्रकाराने अधिक संतप्त झालेल्या पालकांनी शुक्रवारी महाराष्ट्र नवनिर्माण विद्यार्थी सेनेच्या पदाधिकारी व कार्यकर्त्यांना घेऊन मुख्याध्यापकांनी सॅम्पो लामावर कारवाई करावी यासाठी सुमारे दोन तास आंदोलन केले़; मात्र यावेळी उडवाउडवीची उत्तरे देण्यात आल्याने संस्थाचालक व ट्रस्टी येईपर्यंत शाळेतून न जाण्याचा निर्णय पालकांनी घेतला़ या प्रकारानंतर संस्थाचालक भारती हे शाळेत आले. त्यांनी गुरुवारीच शिक्षक लामा यास शाळेतून काढून टाकल्याची माहिती दिली़ या आंदोलनात नगरसेवक सुजाता डेरे, अर्चना जाधव, सतीश सोनवणे, मनविसेचे पदाधिकारी अजिंक्य गिते, संजय जाधव, आकाश खोडे, आरती तिवारी, सोनाली लोहार, वैशाली सोनी यांसह पालकवर्गाने सहभाग घेतला़ यांनतर विद्यार्थिनींचे पालक व मनविसेच्या पदाधिकाऱ्यांनी इंदिरानगर पोलीस ठाण्यात शिक्षक सॅम्पो लामा याच्याविरुद्ध फि र्याद दिली असून, पोलिसांनी विनयभंगाचा गुन्हा दाखल केला आहे़