रामदास वाघ, सप्तर्षी माळी, राजेंद्र उगले यांचा समावेश
नाशिक : जळगाव येथील सूर्योदय सर्वसमावेशक मंडळाच्या एकोणिसाव्या वर्धापनदिनामित्त राज्यस्तरीय पुरस्कारांची घोषणा करण्यात आली असून या पुरस्कारांचे वितरण जानेवारीत नियोजित पहिल्या अखिल भारतीय सूर्योदय मराठी साहित्य संमेलनात करण्यात येणार असल्याची माहिती मंडळाचे अध्यक्ष सतीश जैन यांनी दिली.
लोणार येथील डाॅ. विशाल इंगोले यांच्या ‘माझ्या हयातीचा दाखला’ या काव्यसंग्रहाला सूर्योदय साने गुरुजी पुरस्कार (२१०० रु. व गौरवपत्र), सूर्योदय काव्यसरिता पुरस्कार नाशिकच्या अभिषेक नासिककर यांच्या ‘समांतर’ या काव्यसंग्रहाला (१५०० रु. व गौरवपत्र), सूर्योदय काव्य पुरस्कार ठाणे येथील रामदास खरे यांच्या ‘आता अटळ आहे’ या काव्यसंग्रहाला, सूर्योदय काव्यरत्न पुरस्कार धुळे येथील प्रेमचंद अहिरराव यांच्या ‘शब्दचित्र’ या काव्यसंग्रहाला, सूर्योदय शब्दमाऊली पुरस्कार नांदेड येथील डाॅ. योगिनी सातारकर- पांडे यांच्या ‘शब्द जायबंदी होण्याचे दिवस’ या काव्यसंग्रहाला (प्रत्येकी ११०१ रु. व गौरवपत्र), मुंबई येथील अनुराधा नेरुरकर यांच्या ‘सलणारा सलाम’ या संग्रहाला सूर्योदय ललित साहित्य पुरस्कार ( २५०० रु. व गौरवपत्र), स्व. गिरिजा कीर यांच्या स्मरणार्थ सूर्योदय कथा पुरस्कार नाशिक येथील सप्तर्षी माळी यांच्या ‘फिंद्री’ या कथासंग्रहाला, जळगाव येथील दीपक तांबोळी यांच्या ‘रंग हळव्या मनाचे’ या कथासंग्रहाला, कापूसवाडी येथील प्रा. डाॅ. युवराज पवार यांच्या ‘शिकार’ या कथासंग्रहाला (प्रत्येकी १५०० रु. व गौरवपत्र), कै. शांताराम महाजन यांच्या स्मरणार्थ घुणकी येथील डाॅ. श्रीकांत पाटील यांच्या लाॅकडाऊन या कादंबरीला सूर्योदय कादंबरी पुरस्कार (२५०० रु. व गौरवपत्र), कापडणे येथील रामदास वाघ यांच्या ‘बाहुली माझी लाडकी’ या बालकाव्यसंग्रहाला सूर्योदय बालकाव्यरत्न पुरस्कार (२५०० रु. व गौरवपत्र), पुणे येथील ऊर्मिला निनावे यांच्या ‘फुलवाडी’, नाशिक येथील राजेंद्र उगले यांच्या ‘थांब ना रे ढगोबा’ व एकुर्का रोड येथील रसुल पठाण यांच्या ‘निसर्गाशी जुळवू नाते’ या बालकाव्यसंग्रहांना सूर्योदय बालकाव्य पुरस्कार (प्रत्येकी ७०१ रु. व गौरवपत्र), पुणे येथील संजय ऐलवाड यांच्या ‘बिबट्याचे पिल्लू आणि इतर कथा’ या बालकथासंग्रहाला सूर्योदय बालकथा पुरस्कार (११०० रु. व गौरवपत्र) जाहीर झाला आहे.
परीक्षक म्हणून डाॅ. मथू सावंत, ॲड. विलास मोरे, सावळीराम तिदमे, साहेबराव पाटील, डी. बी. महाजन व प्रवीण लोहार यांनी काम पाहिले.