नाशिकरोडला वसंत व्याख्यानमाला

उद्या शुभारंभ : सात दिवस चालणार ज्ञानयज्ञ

नाशिकरोड : नाशिकरोड-देवळाली व्यापारी बॅँक व नाशिक महानगरपालिका यांच्या संयुक्त विद्यमाने १ ते ७ मेपर्यंत मनपा शाळा क्र. १२५ च्या क्रीडांगणावर नाशिकरोड वसंत व्याख्यानमालेचे आयोजन करण्यात आले आहे.१ मे रोजी सायंकाळी ६.३० वा. व्याख्यानमालेचे उद्घाटन महापौर अशोक मुर्तडक यांच्या हस्ते होणार आहे. अध्यक्षस्थानी बॅँकेचे अध्यक्ष डॉ. डी. जी. पेखळे व प्रमुख पाहुणे म्हणून स्थायी समिती सभापती शिवाजी चुंभळे, प्रभाग सभापती केशव पोरजे, आनंदनगर जॉगर्स प्रतिष्ठान अध्यक्ष रावसाहेब पोटे आदि मान्यवर उपस्थित राहाणार आहे.पहिले पुष्प अभिनेता चिन्मय उद्गीरकर व अभिनेत्री मृणाल दुसानीस हे मुलाखतीद्वारे उलगडणारा जीवनप्रवास व सिंहस्थ कुंभमेळा पार्श्वभूमीवर ग्रीन कुंभ उद्बोधन यावर गुंफणार आहेत. २ मे सच्चिदानंद शेवडे - सावरकर एक झंजावत, ३ मे कमलाकर देसले- जगणं समजून घेताना, ४ मे अपर्णा रामतीर्थकर - नाती जपतांना, ५ मे अमोल शेवडे - सुंदर मी होणार-सुंदर मी जगणार, ६ मे सालकर बाबा - दैनंदिन जीवनातील - भगवतगीतेची उपयुक्तता व ७ मे रोजी गीता माळी या गीतगंगा हा गाण्याचा कार्यक्रम सादर करणार आहेत. त्यानंतर व्याख्यानमालेचा समारोप व पारितोषिक वितरण होणार असल्याची माहिती बॅँकेचे अध्यक्ष डॉ. डी. जी. पेखळे यांनी दिली. यावेळी उपाध्यक्ष श्यामराव चाफळकर, दत्ता गायकवाड, अशोक चोरडिया, मनोहर कोरडे, श्रीराम गायकवाड आदि उपस्थित होते. (प्रतिनिधी)