सोनई तिहेरी हत्याकांडाचा आज निकाल

नाशिक : अहमदनगर जिल्ह्यातील बहुचर्चित सोनई तिहेरी हत्याकांड खटल्याचा निकाल जिल्हा व सत्र न्यायाधीश आऱ आऱ वैष्णव हे सोमवारी (दि़१५) देण्याची शक्यता आहे़ १ जानेवारी रोजी आरोपीच्या वकिलांनी केलेल्या युक्तिवादास सरकारी वकील उज्ज्वल निकम यांनी उत्तर दिले होते़

ठळक मुद्दे युक्तिवादास सरकारी वकील उज्ज्वल निकम यांनी उत्तर५३ साक्षीदारांच्या तपासणीनंतर न्यायाधीश वैष्णव यांनी निकालासाठी १५ जानेवारी ही तारीख

नाशिक : अहमदनगर जिल्ह्यातील बहुचर्चित सोनई तिहेरी हत्याकांड खटल्याचा निकाल जिल्हा व सत्र न्यायाधीश आऱ आऱ वैष्णव हे सोमवारी (दि़१५) देण्याची शक्यता आहे़ १ जानेवारी रोजी आरोपीच्या वकिलांनी केलेल्या युक्तिवादास सरकारी वकील उज्ज्वल निकम यांनी उत्तर दिले होते़या खटल्यातील ५३ साक्षीदारांच्या तपासणीनंतर न्यायाधीश वैष्णव यांनी निकालासाठी १५ जानेवारी ही तारीख दिली होती़ या निर्घृण हत्येतील आरोपींना न्यायालय काय शिक्षा ठोठावते याकडे संपूर्ण राज्याचे लक्ष लागले आहे़ दरम्यान, निकालापूर्वी सरकारी वकील निकम हे कठोर शिक्षेबाबत न्यायालयास विनंती करतील तर आरोपींचे म्हणणेही न्यायालय ऐकून घेईल व त्यानंतर आपला निकाल देण्याची शक्यता आहे़नेवासा फाटा येथील घाडगे-पाटील महाविद्यालयातील एका मुलीचे मेहतर समाजाच्या मुलावर प्रेम होते. या प्रेमप्रकरणातून जानेवारी २०१३ मध्ये सोनईजवळील गणेशवाडी शिवारातील विठ्ठलवाडी येथे संदीप राज धनवार (वय २४), राहुल कंडारे (वय २६), सचिन घारू (वय २३) या तिघा तरुणांची अमानुषपणे हत्या करण्यात आली होती. हे तिघेही नेवासे फाटा येथील त्रिमूर्ती पावन प्रतिष्ठानमध्ये कामाला होते. त्यांना स्वच्छतागृहाची टाकी साफ करायची आहे असे सांगून विठ्ठलवाडी येथे बोलावून घेण्यात आले. धनवार व कंडारे यांचा खून करून त्यांचे मृतदेह पोपट दरंदले यांच्या कोरड्या विहिरीत पुरण्यात आले, तर घारू याचे मुंडके व हातपाय अडकित्त्याने तोडून कूपनलिकेत टाकून देण्यात आले होते.या हत्याकांडप्रकरणी पोलिसांनी संशयित प्रकाश विश्वनाथ दरंदले, रमेश विश्वनाथ दरंदले, पोपट विश्वनाथ दरंदले, गणेश पोपट दरंदले, अशोक रोहिदास फलके, अशोक नवगिरे, संदीप कुºहे यांना अटक केलेली आहे़ नाशिकच्या जिल्हा व सत्र न्यायालयात कामकाजनेवासा सत्र न्यायालयात खटला सुरू असताना साक्षी पुराव्याच्या वेळी साक्षीदारांवर दबाव येऊ शकतो या शक्यतेमुळे तो नाशिक किंवा जळगाव न्यायालयात चालवावा, अशी विनंती याचिका मृताचे नातलग पंकज राजू तनवार यांनी औरंगाबाद खंडपीठात दाखल केली होती. सुनावणीअंती खंडपीठाने याचिकाकर्त्यांचे मुद्दे, म्हणणे ग्राह्ण धरून त्यांची विनंती मान्य केली व हा खटला नेवासा सत्र न्यायालयातून वर्ग करून नाशिकच्या जिल्हा व सत्र न्यायालयात चालविण्याचे आदेश दिले होते. जिल्हा व सत्र न्यायालयातील न्यायाधीश वैष्णव यांच्या न्यायालयात या खटल्याचे कामकाज सुरू असून, आतापर्यंत ५३ साक्षीदार तपासण्यात आले आहेत़ विशेष सरकारी वकील उज्ज्वल निकम १ जानेवारीला आरोपींच्या युक्तिवादाला उत्तर दिल्यानंतर या खटल्याची १५ जानेवारी ही तारीख देण्यात आली होती़