ठळक मुद्देवाहनावर वाहन चालक नसल्याने जीवित हानी टळली
लासलगाव : लासलगाव-पिंपळगाव नजीकला जोडणाऱ्या पुलावर उभ्या असलेल्या ट्रॅक्टरला अज्ञात वाहनाने धडक दिल्याने ट्रॅक्टर व ट्रॉली पुलावरून नदीत कोसळली. सुदैवाने या वाहनावर चालक नसल्याने जीवितहानी टळली आहे. अपघात होताच बघ्यांनी याठिकाणी मोठी गर्दी केली होती.गुरूवारी (दि.१०) सायंकाळी ६ वाजेदरम्यान तळेगाव रोही येथील शेतकरी पुलावर ट्रॅक्टर व ट्रॉली उभे करून बाजारतळ येथे खरेदीसाठी गेलेले होते. ट्रॅक्टर गिअरमध्ये उभ्या अवस्थेत असताना अज्ञात वाहनाने या ट्रॅक्टरला धडक दिल्याने ट्रॅक्टर व ट्रॉली पुलावरून खाली कोसळल्याने संपूर्ण ट्रॅक्टर व ट्रॉली नुकसानग्रस्त झाली. सुदैवाने या वाहनावर वाहन चालक नसल्याने जीवित हानी टळली आहे.