सिन्नर संघ ठरला भाऊ मालुसरे करंडकाचा उपविजेता

सिन्नर : नाशिक जिल्हा क्रिकेट असोसिएशन तर्फे आयोजित करण्यात आलेल्या कै. भाऊ मालुसरे करंडक या मानाच्या क्रि केट स्पर्धेत सिन्नर संघाला उपविजेतेपद मिळाले.संपूर्ण स्पर्धेत २२ यार्ड, क्लब आॅफ नाशिक या सारख्या संघासमोर उत्तम कामिगरी करत संघाने अंतिम सामन्या मध्ये प्रवेश केला. अंतिम सामन्यात सिन्नरला नाशिक क्रि केट अकॅडमी संघाकडून पराभव पत्करावा लागला. ४० संघात खेळविण्यात आलेल्या या स्पर्धेत एकून ६० सामने खेळविण्यात आले या संपूर्ण स्पर्धेत सिन्नरच्या खेळाडूंचा दबदबा राहीला. आयुष किरण मुत्रक याने स्पर्धेत सर्वाधिक ११ बळी मिळविले. त्यात सेमीफायनल मध्ये त्याने ४ बळी मिळवत उत्कृष्ट कामगिरी केली. स्पर्धेत राकेश सांगळे याने ८ बळी घेतले. त्याचबरोबर भूषण उगले यानेही ५ सामन्यांत १५९ धावा केल्या. सिन्नरच्या या कामिगरी मुळे संघासारख्या ‘अ’ गटात स्थान मिळाले आहे. संघाच्या या कामिगरीसाठी सुनील कानडी, किरण मुत्रक, प्रशिक्षक शिवाजी जाधव यांनी कौतूक केले आहे.