चिंचोलीच्या जवानावर साश्रुनयनांनी निरोप

नायगाव - केंद्रीय औद्योगिक सुरक्षा दलाचे सिन्नर तालुक्यातील चिंचोली येथिल जवान राजेश किरण केकाण व पत्नी शोभा यांच्यावर शनिवारी सकाळी शोकाकुल वातावरणात अंत्यसंस्कार करण्यात आले.जम्मु-काश्मीर येथुन शनिवार सकाळी ८ वाजता केकाण पती-पत्नीचे पार्थिव चिंचोली येथे आणण्यात आले. व्ही.एन.नाईक शिक्षण संस्थेच्या प्रागंणात राजेश यांचे लहान बंधु जवान गणेश व मुलगा आर्यन यांनी पार्थिवाला मुखाग्नी दिला. सी.आय.एस.एफ च्या जवानांनी राजेश केकाण यांना मानवंदना दिली. चिंचोली पंचक्र ोशीतील हजारो ग्रामस्थ व नातेवाईकांनी या जवानाच्या अंतिम दर्शनासाठी गर्दी केली होती .यावेळी आमदार राजाभाऊ वाजे, उदय सांगळे,जिल्हा परिषद सदस्य सुनिता सानप,तहसिलदार नितीन गवळी,जम्मू-काश्मीर येथुन आलेले सीआयएसएफचे धर्मपाल सोमकुमार व बीपीन कुमार आदींनी केकाण पती-पत्नीला श्रध्दांजली वाहिली. मोठ्या प्रमाणात जमलेल्या महिला, तरूण व शालेय विद्यार्थ्यांनी भुमीपुत्राला साश्रू नयनांनी अखेरचा निरोप दिला.