कळवणचे ज्येष्ठ स्वातंत्र्यसैनिक पुंडलिक जाधव यांचे निधन

येथील ज्येष्ठ स्वातंत्र्यसैनिक पुंडलिक काळू जाधव (९२) यांचे शुक्रवारी सकाळी ६.३० वाजता निधन झाले. त्यांच्या निधनाची वार्ता कळवण शहरात समजताच त्यांच्या निवासस्थानी शहरातील व तालुक्यातील शासकीय, राजकीय, विविध सामाजिक संस्थांच्या पदाधिकाऱ्यांनी धाव घेत अंत्यदर्शन घेतले.

कळवण : येथील ज्येष्ठ स्वातंत्र्यसैनिक पुंडलिक काळू जाधव (९२) यांचे शुक्रवारी सकाळी ६.३० वाजता निधन झाले. त्यांच्या निधनाची वार्ता कळवण शहरात समजताच त्यांच्या निवासस्थानी शहरातील व तालुक्यातील शासकीय, राजकीय, विविध सामाजिक संस्थांच्या पदाधिकाऱ्यांनी धाव घेत अंत्यदर्शन घेतले.  १९४२ च्या आंदोलनात सहभागी होऊन त्यांनी सहा महिने कारावास भोगला. श्ुक्रवारी दुपारी ३ वाजता गिरणा संगमावर शोकाकुल वातावरणात अंत्यसंस्कार करण्यात आले. यावेळी शासनाच्या वतीने नायब तहसीलदार लिलके व विविध क्षेत्रातील मान्यवर उपस्थित होते. त्यांच्या पश्चात पत्नी, मुलगा, सून, नातवंडे असा परिवार आहे. सामाजिक कार्यकर्ते सुरेश जाधव यांचे वडील व स्वामी समर्थ पतसंस्थेचे संस्थापक अध्यक्ष अशोक जाधव यांचे ते  काका होत.