नाशिक: लॉकडाऊन काळात नागरीकांची गैरसोय होऊ नये यासाठी शासनाने मुबलक धान्य उपलब्ध करून दिले असताना प्रत्यक्षात नागरीकांपर्यंत ते पोहोचतच नसल्याचे उघड झाले आहे. यासंदर्भात लोकमतने दिलेले वृत्त आणि नागरीकांच्या तक्रारींची दखल घेत आमदार सरोज आहिरे यांनी एकलहरे येथील दुकानदाराला जाब विचारला. तथापि, त्याने माहिती न देता टाळाटाळ केली आणि दुरूत्तरेही केल्याने अखेरीस पुरवठा विभागाने दुकान सील केले.
नाशिक तालुका पूर्व भागातील काही रेशन दुकानदार काळाबाजार करीत असल्याच्या तक्र ारी होत्या.तर येथे गेल्या कित्येक दिवसांपासून रेशनदुकानदार सरकारी कोट्यापेक्षा कमी रेशन देतात म्हणून ग्रामस्थ सरपंच मोहिनी जाधव यांच्याकडेही वारंवार तक्र ार करत होते. त्यानुसार तालुक्याच्या पूर्व भागातील सर्वच रेशन दुकानदारांचा सर्वे करु न १७ एप्रिल रोजी लोकमतमध्ये नागरीकांची व्यथा मांडली होती. त्यासरपंच मोहीनी जाधव यांनी रेशन विभागाची आॅनलाइन लिंक प्रसारित करून रेशनबद्दल जनजागृती मोहीम राबवली होती. त्यंमध्ये ग्रामस्थांना मंजूर असलेल्या व रेशनदुकानदार वाटप करत असलेल्या रेशनधान्यात खूप मोठी तफावत आढळली. त्यामुळे त्यांनी देवळाली मतदारसंघाच्या आमदार सरोज आहिरे यांच्याकडे तक्र ार केली.
आमदार आहिरे स्वत: रेशनदुकानाला भेट देऊन परिस्थितीचा आढावा घेतला.तेव्हा दुकान चालकांकडे त्यांनी स्टॉक रजिस्टर मागितले असता ते देण्यास टाळाटाळ करु न दुरु त्तरे केली.तेव्हा आमदार आहिरे यांनी पुरवठा निरीक्षक एस.पी.थोरात यांच्याशी संपर्क साधून सदर प्रकरणात तात्काळ कारवाईचे आदेश दिले.पुरवठा निरीक्षक एस.पी.थोरात यांनी आय.बी.बियाणी यांच्या रेशनदुकान नंबर पाच येथे झाडाझडती घेतली असता तेथील कर्मचारी नियमबाह्य काम करत असल्याचे निदर्शनास आले. तसेच ग्रामस्थांशी चर्चा केली असता प्रत्येक महिन्याला १० ते १५ किलो कमी रेशन मिळालेल्या व साखर तर बिल्कुलच वाटप न केलेल्या ग्रामस्थांचे जबाब घेतले.व पुढील कार्यवाहीचे आदेश येईपर्यंत दुकानाला कुलूप लावण्यात आले.