नाशिक : भारतीय साहित्य महामंडळाच्या वतीने नाशिकमध्ये दाखल झालेल्या स्थळ निवड समिती पथकामध्ये महामंडळाचे कार्यवाह डॉ. दादा गोरे, कोषाध्यक्ष डॉ. रामचंद्र काळुंखे, प्रा. प्रतिभा सराफ, प्रदीप दाते, प्रकाश पायगुडे यांचा समावेश आहे.
या पथकाने गुरुवारी सकाळपासून नाशिकमधील प्रस्तावित साहित्य संमेलन आयोजनाच्या दृष्टिकोनातून शहरातील विविध मैदानांची आणि परिसराची पाहणी केली. लोकहितवादी मंडळाच्या वतीने संस्थेचे अध्यक्ष जयप्रकाश जातेगावकर, मुकुंद कुलकर्णी, किरण समेळ, शंकर बोराडे संजय करंजकर, आणि संस्थेचे अन्य पदाधिकारी यावेळी उपस्थित होते.