जनता विद्यालय :
सातपूर गावातील मराठा विद्या प्रसारक समाज संस्थेच्या जनता विद्यालयात शिवाजीराव भोसले यांच्या हस्ते ध्वजारोहण करण्यात आले. तर भारत स्काऊट गाईड ध्वजाचे आरोहन प्राचार्य साहेबराव पाटील यांच्या हस्ते पार पडले. उपमुख्याध्यापिका उषा कदम यांनी संविधान वाचन केले. एन.सी.सी.अधिकारी रायभान दवंगे यांच्या मार्गदर्शनाखाली एन.सी.सी. पथकाच्यावतीने राष्ट्रीय ध्वजाला मानवंदना देण्यात आली. यावेळी शालेय समितीचे रामनाथ शिंदे, भास्कर बंदावणे, शिवाजी मटाले यांच्यासह सखाराम घाटोळ, दौलत निगळ, चंद्रकांत निर्वाण,राजाराम निगळ,दादा निगळ, नितीन निगळ, दशरथ निगळ, छगन भंदूरे, स्वाती भंदूरे, माधुरी भूजबळ, कुसुम घाटोळ, निलम देशमुख, रमेश तासकर, प्रमोद कांगुणे, गोविंद कोठावळे, रमेश तुंगार, संजय सावंत, भालचंद्र ठाकरे, सुनीता पदाडे, स्वाती होळकर आदींसह पालक उपस्थित होते. प्रास्ताविक प्राचार्य साहेबराव पाटील यांनी केले. सूत्रसंचालन जयश्री बस्ते, सविता ठाकरे यांनी केले.
महापालिका जिजामाता शाळा :
सातपूर कॉलनीतील मनपाच्या जिजामाता शाळेत नगरसेवक सलीम शेख, नगरसेविका दीक्षा लोंढे यांच्या हस्ते ध्वजारोहण करण्यात आले. यावेळी प्रमुख पाहुणे म्हणून मनपा शिक्षण मंडळाचे माजी सदस्य रामहरी संभेराव, बाळासाहेब पोरजे, सुखदेव पगारे, गौरव आहेर, पाशा पाटील, विजय उल्लारे आदी उपस्थित होते. बीएलओचे उत्कृष्ट कामकाज केल्याबद्दल शाळा क्र.२८ चे शिक्षक दत्तात्रय शिंपी यांचा विशेष सत्कार करण्यात आला. प्रास्ताविक केंद्रप्रमुख नितीन देशमुख यांनी केले. मुख्याध्यापिका छाया गोसावी व सुनेत्रा तांबट यांनी स्वागत केले. सूत्रसंचालन सुरेश खांडबहाले यांनी केले. सचिन चिखले यांनी आभार मानले. यावेळी शाळा क्रमांक २७,२८ माध्यमिक विद्यालयातील शिक्षक तसेच पालक मोठ्या संख्येने उपस्थित होते.
श्री छत्रपती शिवाजी विद्यालय
सातपूर कॉलनीतील विविध विकास संघटना संचलित श्री छत्रपती शिवाजी विद्यालयात उद्योजक अनिल धुमाळ यांच्या हस्ते ध्वजारोहण करण्यात आले. प्रमुख पाहुणे म्हणून नगरसेवक सलीम शेख, माजी नगरसेवक नंदू जाधव संस्थेचे अध्यक्ष बाळासाहेब ढिकले, चिटणीस प्रा. डॉ. के. के.जाधव, खजिनदार संपतराव आहेर, सदस्य नरेंद्र वाणी, बन्सीलाल रायते, पंढरीनाथ शिंदे,नारायण पवार, बी. एल. चव्हाण,अक्षय धुमाळ, बाळासाहेब जाधव, नामदेव पाटील, रामहरी संभेराव, डॉ.सुनील आंधळेे, अशोक पालक, संपत हराळ, सुलोचना गांगुर्डे, प्रल्हाद रायते आदींसह पालक उपस्थित होते. स्वागत मुख्याध्यापक सखाराम पवार यांनी केले. प्रास्ताविक मुख्याध्यापक सुदाम दाणे यांनी केले. सूत्रसंचालन उज्ज्वला जगदाळे यांनी केले. आण्णासाहेब गुंडगळ यांनी आभार मानले.
मनपा शाळा क्रमांक ३२:
संतोषीमातानगर येथील मनपा शाळा क्रमांक ३२ मध्ये नगरसेविका दीक्षा लोंढे यांच्या हस्ते ध्वजारोहण करण्यात आले. प्रमुख पाहुणे म्हणून सामाजिक कार्यकर्ते प्रल्हाद भुजबळ,ज्योती प्रधान,धर्मा पाईकराव, वाघमारे,गायकवाड,शेजवळ आदी उपस्थित होते. प्रास्ताविक मुख्याध्यापक राजेंद्र शिंदे यांनी केले. स्वागत मनीषा ठाकरे यांनी केले. सूत्रसंचालन रोहिणी धूम यांनी केले. सारिका लिटे यांनी आभार मानले. यावेळी महिला, पालक मोठ्या संख्येने उपस्थित होते.
महादेवनगर येथील मनपा शाळा क्रमांक ३३ :
येथे नगरसेवक योगेश शेवरे यांच्या हस्ते ध्वजारोहण करण्यात आले. प्रमुख पाहुणे म्हणून नगरसेवक सलीम शेख,नगरसेविका सीमा निगळ,दीक्षा लोंढे, सहाय्यक पोलीस निरीक्षक मंगेश मजगर, बाळासाहेब पोरजे आदी उपस्थित होते. प्रास्ताविक मुख्याध्यापिका छाया तिवडे यांनी केले. यावेळी अरुण काळे, संजय तायडे, अनिल मौले, विजय अहिरे, भगवान सोनार, संजय सोनवणे आदींसह पालक उपस्थित होते. स्वागत सुनंदा सोनार, मंगला शेलार यांनी केले. सूत्रसंचालन कांचन बडगुजर यांनी केले. उज्ज्वला आहेर, पुष्पवती मेनकर यांनी आभार मानले.
आनंदवली येथील मनपाच्या शाळा क्रमांक १८:
नगरसेवक संतोष गायकवाड यांच्या हस्ते ध्वजारोहण करण्यात आले. ध्वजपूजन राधा बेंडकोळी यांनी केले. केंद्रप्रमुख कैलास ठाकरे यांनी प्रास्ताविक केले. प्रमुख पाहुणे म्हणून शंकरराव कडलग, दशरथ लोखडे, अरुण काळे, शरद मंडलिक, अशोक जाधव आदी उपस्थित होते. कोरोना काळात कर्तव्य बजावणाऱ्या डॉक्टरांचा सत्कार करण्यात आला. शाळेतील कामाठी दिलीप बोलकर यांना सापडलेली सोन्याची चेन अर्चना तिटकारे यांना परत केल्याबद्दल त्यांचा सत्कार करण्यात आला. यावेळी विष्णूपंत बेंडकोळी,भरत गांगुर्डे, कैलास जाधव,विलास आहेर, राजू जाधव, नारायण जाधव, शाळा व्यवस्थापन समिती अध्यक्ष निवृत्ती शेवरे, बाळासाहेब मंडलिक, सलीम शेख, विष्णू शिंदे, दिनेश सूर्यवंशी आदींसह पालक उपस्थित होते. सूत्रसंचालन तनुजा देवरे यांनी केले. शेखर जाधव यांनी आभार मानले.
स्वारबाबानगर येथील मनपा शाळा क्रमांक २६,३०,३१ मध्ये नगरसेविका दीक्षा लोंढे यांच्या हस्ते ध्वजारोहण करण्यात आले. प्रमुख पाहुणे म्हणून रिपाइंचे जिल्हाध्यक्ष प्रकाश लोंढे, शाळा व्यवस्थापन समितीचे उपाध्यक्ष सुरेंद्र लाहोरी, सलीम शेख,समाधान जगताप, अजयसिंह,विक्की लोंढे आदी उपस्थित होते. आदर्श शिक्षक पुरस्कार विजेते वाटपाडे, अन्सारी या शिक्षकांचा प्रमुख पाहुण्यांच्या हस्ते सत्कार करण्यात आला.