नाशिकरोड : भारत प्रतिभूती मुद्रणालयाचे वर्क्स कमिटी उपाध्यक्ष कामगार पॅनलचे राहुल रामराजे आणि सचिवपदी बबन सैद यांची बिनविरोध निवड करण्यात आली. भारत प्रतिभूती मुद्रण वर्क्स कमिटीची निवडणूक नुकतीच होऊन त्यामध्ये बहुमत कामगार पॅनलने मिळविले होते. वर्क्स कमिटीचे अध्यक्षपद हे व्यवस्थापनाकडे देण्याची प्रथा असून महाव्यवस्थापक व्यंकटेशकुमार यांची अध्यक्ष म्हणून निवड करण्यात आली आहे. वर्क्स कमिटीच्या सुरक्षा, रुग्णालय, कॅन्टिन, प्रमोशन, इस्टेटवर माजी उपाध्यक्ष डॉ. चंद्रकांत हिंगमिरे, भीमा नवाळे, सचिन तेजाळे, दत्तू गवळी, तुषार सावसाकडे, भूषण मेढे या सदस्यांची नियुक्ती झाली आहे. वर्क्स कमिटी उपाध्यक्ष कामगार पॅनलचे राहुल रामराजे आणि सचिवपदी बबन सैद यांची बिनविरोध निवड करण्यात आली. नूतन कार्यकारिणीचे प्रेस मजदूर संघाचे सरचिटणीस जगदीश गोडसे, कार्याध्यक्ष ज्ञानेश्वर जुंद्रे, उपाध्यक्ष राजेश टाकेकर, कार्तिक डांगे, जयराम कोठुळे, शिवाजी कदम, प्रविण बनसोडे, इरफान शेख, अशोक जाधव, रमेश खुळे, संतोष कटाळे, अविनाश देवरुखकर, राजू जगताप, अशोक पेखळे, नंदू कदम, अण्णा सोनवणे आदींनी अभिनंदन केले आहे. प्रेस युनियन व वर्क्स कमिटीच्या निवडणुकीत कामगार पॅनलने सलग चौथ्यांदा सत्ता मिळविली आहे.