नाशिक : द्वारका परिसरातील इस्कॉन मंदिरात रंगपंचमी उत्साहात साजरी करण्यात आली. मंदिरातील श्री श्री राधा-मदनगोपालजींचा या दिवशी विशेष शृंगार करण्यात आला होता. यावेळी राधा-मदनगोपाल यांच्या मूर्तींच्या सजावटीसाठी विविध रंगांचा वापर करण्यात आला होता. सायंकाळी राधा मदनगोपाल यांच्या उत्सव मूर्तींचा विशेष शृंगार करून त्यांना गर्भगृहातून बाहेर सजविलेल्या विशेष वेदीवर स्थापन करण्यात आले व आरती करण्यात आली. यावेळी शंखनादाने रंग उधळणीला सुरु वात करण्यात आली. सुरुवातीला कोरड्या नैसर्गिक रंगांची उधळण करण्यात येऊन नंतर उपस्थित भक्तांवर रंगीत जलाचा शिडकाव करण्यात आला. याप्रसंगी मोठ्या प्रमाणात भक्त व नाशिककर उपस्थित होते. कार्यक्र मानंतर सर्वांसाठी महाप्रसादाचे वाटप करण्यात आले होते.
राधा-कृष्णावरही रंगांची बरसात
By लोकमत न्यूज नेटवर्क | Updated: March 27, 2019 00:10 IST