बागलाणच्या पश्चिम आदिवासी पट्ट्यात आरोग्य विभागामार्फत सर्वत्र लसीकरण सुरू आहे. मात्र आदिवासीबहुल भागात नागरिकांकडून प्रोत्साहन मिळत नसल्याने पंचायत समिती बागलाण व ग्रामसेवक संघटनेच्या संयुक्त विद्यमाने आदिवासीबहुल वस्ती, वाड्या तसेच संपूर्ण तालुक्यातील गावांमध्ये जनजागृती अभियान राबविण्यात येत आहे. यासाठी जनजागृती रथ तयार करण्यात आला असून, त्याचा शुभारंभ पंचायत समितीत आमदार बोरसे, सभापती ढुमसे, उपसभापती ज्योती अहिरे, प्रांताधिकारी विजयकुमार भांगरे, तहसीलदार जितेंद्र इंगळे, गटविकास अधिकारी पांडुरंग कोल्हे, सहाय्यक गटविकास अधिकारी काथपुरे, विस्तार अधिकारी भय्यासाहेब सावंत, नितीन देशमुख, सूर्यवंशी व ग्रामसेवक संघटनेचे इंगळे यांच्यासह ग्रामसेवक, आरोग्य विभागाच्या कर्मचाऱ्यांच्या उपस्थितीत करण्यात आला.
कोरोना चाचणी, लसीकरण या संदर्भात आदिवासींमध्ये गैरसमज निर्माण झाले आहेत. त्यांच्यात जनजागृतीसाठी रथ तयार करण्यात आला असून, या रथावर कोरोनाची लक्षणे, लस घेण्याचे फायदे, न घेतल्याचे तोटे याबाबत माहिती देऊन ‘आम्ही लस घेतली, तुम्हीपण घ्या व सुरक्षित राहा’, ‘आजार नका काढू अंगावर, लस घ्या दंडावर’, ‘राक्षसी कोरोनाचा विनाश करूया, प्रतिकारशक्तीसाठी लस घेऊया’ आदी घोषवाक्य तयार करण्यात आले आहेत.
फोटो -१९ सटाणा २
बागलाणच्या आदिवासीपट्ट्यात लसीकरण जनजागृतीसाठी प्रचार रथाचा शुभारंभ करताना आमदार दिलीप बोरसे. समवेत प्रांत विजयकुमार भांगरे, तहसीलदार जितेंद्र इंगळे पाटील, गटविकास अधिकारी पांडुरंग कोल्हे, सभापती इंदूबाई दुमसे, उपसभापती ज्योती अहिरे, बिंदूशेठ शर्मा आदी.
===Photopath===
190521\19nsk_38_19052021_13.jpg
===Caption===
बागलाणच्या आदिवासी पट्ट्यात लसीकरण जनजागृतीसाठी प्रचार रथाचा शुभारंभ करताना आमदार दिलीप बोरसे. समवेत प्रांत विजयकुमार भांगरे, तहसीलदार जितेंद्र इंगळे पाटील , गटविकास अधिकारी पांडुरंग कोल्हे, सभापती इंदूबाई दुमसे ,उपसभापति ज्योति अहिरे, बिंदूशेठ शर्मा आदि .