सिन्नर : जम्मू काश्मीरमधील कठुआ येथे आठ वर्षीय लहान मुलीवर झालेल्या अत्याचाराच्या निषेधार्थ महिलांनी तहसीलदार कार्यालयात मोर्चा काढून निषेधाचे निवेदन तहसीलदारांना दिले. शहरस्तरीय संघाच्या अध्यक्ष निलोफर सय्यद व महिला सदस्य यांनी बुधवारी दुपारी तहसील कार्यालयात जाऊन तहसीलदार नितीन गवळी यांना निवेदन दिले. देशात दिवसेंदिवस लहान मुली व महिला यांच्यावरील अत्याचार वाढत असून, याबाबत कडक कायदा केला पाहिजे. दोषी व्यक्तीला फाशीची शिक्षा झालीच पाहिजे, अशी मागणी निवेदनात करण्यात आली. या मोर्चात शहरातील लहान मुले व महिलांनी सहभाग घेतला.
सिन्नरच्या महिलांकडून कठुआ घटनेचा निषेध
By लोकमत न्यूज नेटवर्क | Updated: April 26, 2018 00:15 IST