ओझर यात्रोत्सवासाठी सज्जता

ओझर : ग्रामदैवत खंडेराव महाराज यात्रोत्सवास सोमवारी चंपाषष्ठीपासून प्रारंभ होत आहे. पूर्वी दोन दिवस भरणारी ही यात्रा आता भव्य रूप धारण करत चार ते पाच दिवस भरते. ७ डिसेंबरपर्यंत यात्रा भरणार आहे.

ठळक मुद्दे विलोभनीय सोहळा : ग्रामपालिकेकडून तयारी पूर्ण, मंदिराला आकर्षक रोषणाई

लोकमत न्यूज नेटवर्कओझर : ग्रामदैवत खंडेराव महाराज यात्रोत्सवास सोमवारी चंपाषष्ठीपासून प्रारंभ होत आहे. पूर्वी दोन दिवस भरणारी ही यात्रा आता भव्य रूप धारण करत चार ते पाच दिवस भरते. ७ डिसेंबरपर्यंत यात्रा भरणार आहे.त्यानिमित्ताने ओझर ग्रामपालिकेकडून संपूर्ण दुकानांचे जागावाटप जिल्हा परिषद सदस्य यतिन कदम यांच्या मार्गदर्शनाखाली करून देण्यात येणार असल्याचे ग्रामपालिकेच्या वतीने सांगण्यात आले आहे. ओझरचे पोलीस निरीक्षक भगवान मथुरे यांच्या मार्गदर्शनाखाली ओझर पोलीस ठाण्याकडून कडेकोट बंदोबस्त ठेवण्यात येणार आहे.यात्रोत्सवात पहिल्या दिवशी विश्वस्तांच्या घरातील कुटुंबप्रमुख घटस्थापना करतात. त्यानंतर षष्ठीपर्यंत श्री मल्हार माहात्म्य या ग्रंथाचे पारायण होते. प्रत्येक दिवशी चढत्या क्रमाने मूर्तीवर पुष्पमाला चढविण्यात येणार आहे. चंपाषष्ठीच्या दिवशी पारायणाच्या व्रताची सांगता होऊन पहाटे पुजारी व मान्यवरांकडून महापूजा करण्यात येणार आहे.महापूजेनंतर श्री खंडोबारायाच्या दर्शनासाठी भाविकांची रांग लावण्यात येणार आहे, तर पहिल्या दिवशी भंडारा उधळण्यात येतो. संपूर्ण गाव जणू सोन्याचं होतं. बाणगंगा नदीचे दर्शन करून अश्व पुढे मंदिराकडे नेला जातो.खंडेराव महाराजांचा जयघोष करत कै. विष्णुपंत पगार यांचा मानाचा मोंढा गाडा, सोनेवाडी, शेजवळवाडी, वरचा माळीवाडा, मधला माळीवाडा, सिन्नरकर-निंबाळकर-चौधरी, पगार-गवळी, रास्कर, भडके, कदम व इतर बारा बलुतेदार शिंदे-चौधरी व अण्णा भडके यांची गाडी असा मल्हाररथ अश्वाच्या मदतीने गोरजमुहूर्तावर ओढून यात्रेला सुरुवात होणार आहे.ही ईश्वरी अनुभूती व हा थरार अनुभवण्यासाठी लाखों आबालवृद्ध भाविक गर्दी करतात. भंडाऱ्याची उधळण व सदानंदाचा येळकोट, येळकोट येळकोट जय मल्हार या जयघोषाने अवघा परिसर दुमदुमून जातो. यात्रेच्या दुसºया दिवशी भाविक खंडेरायाच्या दर्शनाला गर्दी करतात. कलात्मक रथाचे आकर्षणओझरच्या यात्रेचे मुख्य आकर्षण असते. सुबक कलाकृती, जुन्या पिढीतील सुतारकामाचा उत्कृष्ट नमुना म्हणजे ओढला जाणारा रथ. या रथाची रचना बैलगाडीप्रमाणे असते. चाके, धुºया, साटा, जू ही मूळ बनावट गृहीत धरतच त्याची घडण म्हणजे हा रथ असतो. चाकावर चार चोपा काटकोनात लावतात व या चोपांना आठ सोटगे खालून जोडतात. तिच्या दोन बाजूंना वांगे व पपईत गज कलात्मकरीतीने टोचतात. हा रथ जाताना प्रौढांकडे नियोजनाचे तर वयोवृद्धांकडे मार्गदर्शनाचे काम असते. सजवलेली बैलजोडी रथाला जोडण्यात येते. खंडेराव महाराजांचा जयघोष होतो.व मल्हाररथ अश्वाच्या मदतीने मैदानावर पळविला जातो.मंगळवारचा आठवडे बाजार राहणार बंदओझर येथे दर मंगळवारी भरणारा आठवडे बाजार यात्रेमुळे बंद ठेवण्यात येणार आहे. यात्रेत मोठ्या प्रमाणात उलाढाल होत असल्याने सर्वच गावातून नागरिक येथे येत असतात. त्यामुळे येत्या मंगळवारी आठवडे बाजार भरणार नसल्याचे आवाहन ग्रामपंचायतीने केले आहे.