लोखंडेवाडीच्या जनता विद्यालयात पालक-शिक्षक संघाचा मेळावा

दिंडोरी : मराठा विद्या प्रसारक समाजाच्या लोखंडेवाडी येथील जनता माध्यमिक विद्यालयात पालक शिक्षक मेळावा उत्साहात संपन्न झाला . अध्यक्षस्थानी शालेय समिती अध्यक्ष जनार्दन उगले होते .

मुख्याध्यापक आर. सी. वडजे यांनी पालक शिक्षक संघाची रचना व कार्य यांचे महत्त्व पालकांना समजावून सांगितले . विद्यार्थांच्या सर्वागीण विकासासाठी पालकांनी विद्यार्थ्यांना मदत करावी असे आवाहन करुन शाळेच्या अडचणी व समस्या विषद केल्या व पालकांना शाळेसाठी मदतीचे आवाहन केले . याप्रसंगी शालेय समिती सदस्य सचिन उगले उपस्थित होते. यावेळी पालक- शिक्षक संघाची निवड करण्यात आली. पालक- शिक्षक संघाचे उपाध्यक्ष म्हणून सुभाष वाघ व सहसचिव नवनाथ लोखंडे यांची सर्वानुमते निवड करण्यात आली. तसेच पालकांमधून सदस्यांची निवड करण्यात आली . नवनियुक्त पालक- शिक्षक सदस्यांचे स्वागत उगले व वडजे यांच्या हस्ते करण्यात आले. सूत्रसंचलन सी. एस. चौधरी यांनी केले.