मंगरूळ शिवारात अपघातात एक ठार, दोन जखमी

चांदवड : तालुक्यातील मंगरूळ सोमा टोलनाक्यापासून एक किलोमीटर अंतरावर गुरुद्वारासमोर मालेगावकडून नाशिककडे जाणाऱ्या कारने ( एम एच १५ सिटी १३००) रस्ता ओलांडणाऱ्या दुचाकीला धडक दिल्याने दुचाकीवरील मधुकर रामकृष्ण जाधव ( ४० ) रा. भरवीर हे गंभीर जखमी झाले. त्यांना दवाखान्यात नेत असताना त्यांचा मृत्यू झाला.

ठळक मुद्देसदर अपघात शनिवारी (दि. ५) दुपारी ४.३० वाजेच्या सुमारास घडला.

चांदवड : तालुक्यातील मंगरूळ सोमा टोलनाक्यापासून एक किलोमीटर अंतरावर गुरुद्वारासमोर मालेगावकडून नाशिककडे जाणाऱ्या कारने ( एम एच १५ सिटी १३००) रस्ता ओलांडणाऱ्या दुचाकीला धडक दिल्याने दुचाकीवरील मधुकर रामकृष्ण जाधव ( ४० ) रा. भरवीर हे गंभीर जखमी झाले. त्यांना दवाखान्यात नेत असताना त्यांचा मृत्यू झाला. या अपघातात अन्य दोघे गंभीर जखमी झाले आहेत. सदर अपघात शनिवारी (दि. ५) दुपारी ४.३० वाजेच्या सुमारास घडला.दुचाकीवरून तिघेजण विवाह समारंभानिमित्त हळदीच्या कार्यक्रमास जात असताना कारची धडक बसून त्यात दुचाकीवरील मधुकर रामकृष्ण जाधव यांचा मृत्यू झाला . तर त्यांच्या पाठीमागे बसलेले गोवर्धन ढोमसे व दशरथ ढोमसे रा. गोरठाण हे दोघे गंभीर जखमी झाले . अपघाताचे वृत्त समजताच सोमा कंपनीचे रवींद्र अहिरे बंटी बोरसे , मंगेश पवार , राहुल ठाकरे , राजू सोमवंशी ,समाधान शिंदे , अमोल मोरे यांनी घटनास्थळी जाऊन मदत कार्य केले. जखमींना चांदवड उपजिल्हा रुग्णालयात दाखल करण्यात आले. कार मधील कोणालाही दुखापत झाली नाही . चांदवड पोलीस स्टेशनला अपघाताचा गुन्हा दाखल करण्यात आला असून अधिक तपास पोलीस निरीक्षक समीर बारवकर यांच्या मार्गदर्शनाखाली पोलीस करीत आहेत.