चांदवड-लासलगाव रोडवर अपघातात एक ठार

चांदवड : चांदवड-लासलगाव रोडवर तालुक्यातील शिंदे वस्तीजवळ मॅक्स महिंद्रा जीपचालकाने दोन मोटारसायकलला धडक दिल्याने झालेल्या अपघातात एक जण ठार तर दोन जण गंभीर जखमी झाले आहेत.

ठळक मुद्देदोन जखमी : जीपने दिली धडक

चांदवड : चांदवड-लासलगाव रोडवर तालुक्यातील शिंदे वस्तीजवळ मॅक्स महिंद्रा जीपचालकाने दोन मोटारसायकलला धडक दिल्याने झालेल्या अपघातात एक जण ठार तर दोन जण गंभीर जखमी झाले आहेत.याबाबत आदर्श मधुकर निकम रा. लासलगाव यांनी चांदवड पोलीस ठाण्यात दिलेल्या फिर्यादीत म्हटले आहे, दि. ३ जुलै रोजी सायंकाळी साडेसात वाजेच्या सुमारास मॅक्स महिंद्रा जीप (क्रमांक एम.एच. ३९ / एफ ९५२९) यावरील चालकाने लासलगावकडून चांदवडकडे येत असताना रॉँगसाइडने घुसून चांदवडकडून लासलगावकडे जाणाऱ्या हिरो पॅशन मोटारसायकल (क्रमांक एमएच १५ एफए ९२०२) व होंडा कंपनीची डीम युगा मोटारसायकल (क्रमांक एमएच १५ एफए ९४३० यांना जोरदार धडक दिली. त्यात धडक दिल्याने या अपघातात अक्षय दत्तू अहिरे (२०)रा. लासलगाव हा गंभीर जखमी झाला. त्यास रुग्णालयात दाखल केले असता उपचार सुरू असताना त्याचा मृत्यू झाला. तर संकेत सुनील गरुड, गणेश ऊर्फ विकी अशोक केदारे सर्व रा. लासलगाव हे दोघेही गंभीर जखमी झाले. त्यांच्यावर चांदवड उपजिल्हा रुग्णालयात उपचार करण्यात आले. याप्रकरणी चांदवड पोलीस ठाण्यात अपघाताचा गुन्हा दाखल करण्यात आला आहे. अधिक तपास हवालदार दीपक मोरे हे करीत आहेत.