दुर्गामाता मंदिरात नवरात्रोत्सव

मोसम खोºयातील हजारो भाविकांचे श्रद्धास्थान असलेल्या येथील दुर्गामाता मंदिरात नवरात्रोत्सवानिमित्त मंदिर परिसरात स्वच्छता मोहीम, सजावट, आकर्षक रंगरंगोटी, रंगकाम करण्यात आले आहे. उत्सव काळात विविध कार्यक्रमांनी सुरुवात झाल्याची माहिती क्षत्रिय समाजाचे अध्यक्ष रमाकांत कंकरेज यांनी दिली. नवरात्र काळात शहरातील ७० पेक्षा अधिक महिला घटी बसल्या आहेत.

नामपूर : मोसम खोºयातील हजारो भाविकांचे श्रद्धास्थान असलेल्या येथील दुर्गामाता मंदिरात नवरात्रोत्सवानिमित्त मंदिर परिसरात स्वच्छता मोहीम, सजावट, आकर्षक रंगरंगोटी, रंगकाम करण्यात आले आहे. उत्सव काळात विविध कार्यक्रमांनी सुरुवात झाल्याची माहिती क्षत्रिय समाजाचे अध्यक्ष रमाकांत कंकरेज यांनी दिली. नवरात्र काळात शहरातील ७० पेक्षा अधिक महिला घटी बसल्या आहेत. नवरात्र काळात श्रीराम, आनंद, आशीर्वाद, शिवछत्रपतीनगर, योगायोग, सप्तशृंगी, जय बजरंग, एकलव्य, इंदिरानगर, त्रिशूल आदी सार्वजनिक ठिकाणी भगवतीच्या विविध रूपांची स्थापना करण्यात आली असून, उत्सव काळात दांडिया स्पर्धा होणार आहेत. नवरात्रीसाठी कार्यकर्ते जोमाने कामाला लागले आहेत. शहरातील कुंभार आळी परिसरात आदिमायेच्या विविध रूपांच्या मूर्ती साकारण्यात आल्या असून, मूर्तींचे भाव स्थिर असल्याचे मूर्तिकारांनी सांगितले. नवसाला पावणारी व जागृत देवस्थान म्हणून येथील त्रिशूल चौकातील दुर्गामाता मंदिराची ओळख आहे. दुर्गामाता व जगदंबा माता या दोन्ही आदिमाया एकाच मंदिरात विराजमान झाल्या आहेत. नवरात्रकाळात नामपूरसह परिसरातील द्याने, उत्राणे, आसखेडा, मळगाव भामेर, बिलपुरी, अंबासन, काकडगाव, खिरमानी, कोटबेल, गोराणे, खामलोण, श्रीपुरवडे, इजमाने आदी गावांमधील हजारो भाविक नवस फेडण्यासाठी येथे येतात. उत्सव काळात मंदिर भाविकांच्या गर्दीने गजबजलेले असते. क्षत्रिय समाजाचे प्रतिष्ठित व्यापारी अंबादास वाखारे, आण्णासा कोकणे, रामभाऊ कंकरेज, दामोदर कोकणे आदींच्या पुढाकारातून १९५३ साली दुर्गामाता मंदिराची स्थापना झाली.  गेल्या ६४ वर्षांपासून नवरात्र काळात तीन वेळा आरत्या, भजन, प्रवचन, घटस्थापना, अष्टमीचा होम आदी धार्मिक कार्यक्रमांचा जागर अविरतपणे सुरु आहे. नामपूर शहर क्षत्रिय समाजाच्या वतीने मंदिराचे व्यवस्थापन केले जाते. लोकसहभागातून मंदिराचा जीर्णोद्धार करण्यात आला आहे. क्षत्रिय समाजाचे अध्यक्ष रमाकांत कंकरेज यांच्या हस्ते आदिमायेची विधिवत पूजा करण्यात आली. अष्टमीच्या होमनिमित्त गुरुवारी (२८) एकदिवसीय यात्रा होईल.