नाशिक : विनापरवानगी मोर्चा काढून महानगरपालिका मुख्यालयाचे मुख्यप्रवेशद्वार अडवून ठेवल्याप्रकरणी महापालिकेच्या फिर्यादीवरून सरकारवाडा पोलीस ठाण्यात श्रमिकनगर येथील दीपक डोके व इतरांवर गुन्हा दाखल करण्यात आला आहे. गंजमाळ येथील श्रमिकनगर या झोपडपट्टीतील रहिवाशांना चुंचाळे येथे स्थलांतरित न करता जवळच्याच अंतरावर स्थलांतरित करावे, या मागणीसाठी सोमवारी (दि.२६) सकाळी ११.३० वाजेच्या सुमारास दीपक डोके व रहिवाशांनी महापालिकेवर मोर्चा आणला होता. यावेळी रहिवाशांनी आंदोलन करत प्रवेशद्वारावरच ठिय्या मांडला. महापालिकेच्या मुख्यप्रवेशद्वाराजवळ दीपक डोके व इतर व्यक्तींनी येण्या-जाण्याचा रस्ता अडवून अडथळा निर्माण केला तसेच विना परवाना मोर्चा काढून आंदोलन केल्या प्रकरणी मनपाच्या वतीने सरकारवाडा पोलीस ठाण्यात तक्र ार दाखल करण्यात आली आहे.
महापालिका प्रवेशद्वारावर ठिय्या
By लोकमत न्यूज नेटवर्क | Updated: February 27, 2018 01:09 IST