‘एमएसएमई’ रोजगार देणारा स्रोत

नाशिक : भारताच्या राष्ट्रीय उत्पन्नात ३८ टक्के भाग हा सूक्ष्म, लघु व मध्यम स्वरूपाच्या उद्योगांचा देशात एकूण पाच कोटी एमएसएमईच्या माध्यमातून १२ कोटी रोजगार उपलब्ध होत असल्याने एमएसएमई हा देशातील रोजगार निर्मिताचा मोठा स्त्रोत आहे. त्यामुळेच केंद्र सरकार औद्योगिक विकासासोबच रोजगार निर्मितीसाठी सूक्ष्म, लघु व मध्यम उद्योगांना विविध योजनांच्या माध्यमातून पाठबळ उभे करीत असल्याचे प्रतिपादन रिझर्व्ह बँक आॅफ इंडियाचे संचालक तथा केंद्रीय अर्थखात्याचे सल्लागार आशुतोष रारावीकर यांनी केले.

ठळक मुद्देआशुतोष रारावीकर : बीबीएनजीच्या राष्ट्रीय परिषदेत उद्योजकांना मार्गदर्शन

नाशिक : भारताच्या राष्ट्रीय उत्पन्नात ३८ टक्के भाग हा सूक्ष्म, लघु व मध्यम स्वरूपाच्या उद्योगांचा देशात एकूण पाच कोटी एमएसएमईच्या माध्यमातून १२ कोटी रोजगार उपलब्ध होत असल्याने एमएसएमई हा देशातील रोजगार निर्मिताचा मोठा स्त्रोत आहे. त्यामुळेच केंद्र सरकार औद्योगिक विकासासोबच रोजगार निर्मितीसाठी सूक्ष्म, लघु व मध्यम उद्योगांना विविध योजनांच्या माध्यमातून पाठबळ उभे करीत असल्याचे प्रतिपादन रिझर्व्ह बँक आॅफ इंडियाचे संचालक तथा केंद्रीय अर्थखात्याचे सल्लागार आशुतोष रारावीकर यांनी केले.राष्ट्रीय व आंतरराष्ट्रीय स्तरावरील ब्राह्मण व्यावसायिकांच्या ब्राह्मण बिझनेस नेटवर्क ग्लोबलतर्फे (बीबीएनजी) सातपूर येथे रविवारी (दि. ११) राष्ट्रीय परिषदेच्या उद्घाटनप्रसंगी ते बोलत होते. अध्यक्षस्थानी भाजपाच्या उद्योग आघाडीचे महाराष्ट्र प्रदेशाध्यक्ष प्रदीप पेशकार यांच्यासह व्यासपीठावर संदीप फाउंडेशनचे अध्यक्ष संदीप झा, बीबीएनजीचे अध्यक्ष श्रीपाद कुलकर्णी, अशोका बिल्डकॉनचे संचालक संजय लोंढे, मुकुंद कुलकर्णी, विराज लोमटे आदी उपस्थित होते.राराविकर म्हणाले, देशातील लघुउद्योगांच्या विकासासाठी बँक आणि उद्योग यांच्यामध्ये विश्वासाचे नाते निर्माण व्हायला पाहिजे. यातूनच मोठ्या प्रमाणात विकास साधता येईल. सोबतच सरकार, बँका आणि उद्योग क्षेत्रातील विविध संघटना यांच्यात चांगला संवाद झाला तरच मोठ्या आणि लघु उद्योगात येणाºया अडचणींवर सहज मात करता येईल. उद्योजकांसाठी अनेक योजना असून, अनेकदा या सर्व गोष्टी उद्योजकांना माहीत नसतात. त्यामुळे उद्योजकांच्या संघटनांनी ही त्रुटी दूर करण्याची गरज आहे.जे उद्योग अडचणीत आहेत त्यांना मदत करणे गरजेचे आहेत. त्यासाठी आरबीआयने बँकांना सूक्ष्म व लघु उद्योगांना आर्थिक सहकार्य करण्याच्या सूचनाही केल्या असल्याचे त्यांनी यावेळी नमूद केले, तसेच उद्योग संघटनांनी व्यवसाय क्लस्टर उभारून त्यातून कौशल्य विकासावर भर देत नवीन उद्योग व उद्योगाचा विस्तार करण्याचा सल्ला देतानाच नाशिकमध्ये संरक्षण, अन्न प्रक्रि या, शेती विषयक उद्योगास भरपूर वाव असून, या क्षेत्रातील उद्योजकांना मोठ्या प्रमाणात संधी व सवलती उपलब्ध असल्याचे आशुतोष राराविकर यांनी अधोरेखित केले.आरबीआयच्या सूचनेनुसार एमएसएमई कॉर्नर सुरू करण्यात आले असून, तीन दिवसांत कर्ज उपलब्ध करून देण्याची यंत्रणा राबविण्यात येत असल्याचे त्यांनी सांगितले. श्रीपाद कुलकर्णी यांनी प्रास्ताविक केले. ब्राह्मण समाजातील तरुणवर्ग उद्योग व्यवसायाकडे वळत आहे. ऐतिहासिक कालखंडात निर्माण झालेल्या समाजनिहाय व्यवस्थेत कामांची विभागणी केलेली होती. परंतु आता चित्र पूर्णपणे बदलले असून उद्योग व्यवसायासाठी मोठ्या संधी उपलब्ध झाल्या आहेत. आगामी काळात अर्थकारण हे पूर्णपणे बौद्धिक क्षमतेवरच असेल. त्यामुळे बुद्धिजीव समाजाने उद्योजकतेकडे वळण्याची गरज आहे.- संदीप झा, अध्यक्ष, संदीप फाउंडेशन.