महाराष्ट नवनिर्माण सेना कार्यकर्त्यांचा मेळावा

मनसेचे अध्यक्ष राज ठाकरे १ मेपासून राज्याचा दौरा करणार असून, यानिमित्त मालेगाव येथे जाहीर सभेचे आयोजन करण्यात येणार असल्याची माहिती प्रदेश सरचिटणीस राजाभाऊ चौघुले यांनी दिली.

मालेगाव : मनसेचे अध्यक्ष राज ठाकरे १ मेपासून राज्याचा दौरा करणार असून, यानिमित्त मालेगाव येथे जाहीर सभेचे आयोजन करण्यात येणार असल्याची माहिती प्रदेश सरचिटणीस राजाभाऊ चौघुले यांनी दिली.  येथील मराठा दरबारमध्ये मनसेच्या कार्यकर्त्यांचा मेळावा घेण्यात आला. अध्यक्षस्थानी उपप्रदेश अध्यक्ष संजय चित्रे होते. वांजुळपाडा २ प्रकल्पासह नार-पार योजनेसंदर्भात राज ठाकरे यांच्याशी चर्चा केली असून, आगामी निवडणुकांसाठी सज्ज व्हावे, असे आवाहन चित्रे यांनी कार्यकर्त्यांना यावेळी केले. उपप्रदेशाध्यक्ष प्रवीण मर्गज यांनी सभासद नोंदणीचे आवाहन केले. शहराध्यक्ष राकेश भामरे, तालुकाध्यक्ष पितांबर मोरे, जिल्हा उपाध्यक्ष मुकेश कावळे व श्रीराम सोनवणे, शहर संघटक प्रवीण सोनवणे, मधुकर वडगे आदिंनी तालुक्यातील शेतकऱ्यांचे प्रश्न व पाणी समस्या मांडल्या. यावेळी राकेश भामरे उपस्थित होते.  यावेळी शहर उपाध्यक्ष दद्दू शिकलकर, गोकुळ सोनार, गणेश पवार, डॉ. सिद्दीकी, सुनील मोरे, संतोष अहिरे, मोसीन शेख, भरत सूर्यवंशी, विशाल शेवाळे, सुमित पगारे, योगेश वाघ, मुकेश गुंजाळ, भूषण कुलते, मोहन हिरे, रत्ना देवरे, सोनाली भामरे, जया सोनवणे, रोहिणी सोनवणे, विद्या विसपुते, भाग्यश्री अहिरे, रजनी भामरे आदींसह कार्यक्रर्ते उपस्थित होते.