विश्वकर्मा जयंतीनिमित्त देवळालीत मिरवणूक

देवळालीगाव येथे भगवान श्री विश्वकर्मा लोहार समाज जयंती उत्सव मंडाळाच्या वतीने भगवान श्री विश्वकर्मा जयंतीनिमित्त श्री विठ्ठल मंदिरात विविध धार्मिक कार्यक्रम पार पडले.

ठळक मुद्देविविध धार्मिक कार्यक्रम उत्साहात

नाशिकरोड : देवळालीगाव येथे भगवान श्री विश्वकर्मा लोहार समाज जयंती उत्सव मंडाळाच्या वतीने भगवान श्री विश्वकर्मा जयंतीनिमित्त श्री विठ्ठल मंदिरात विविध धार्मिक कार्यक्रम पार पडले.भगवान श्री विश्वकर्मा जयंतीनिमित्त शुक्रवारी सकाळी श्री विठ्ठल मंदिरात मांडव डहाळे, भगवान श्री विश्वकर्मा देवतेस अभिषेक, महापूजा, सत्यनारायण पूजन करण्यात आले. त्यानंतर परिसरातून एका वाहनावर भगवान श्री विश्वकर्मा यांची प्रतिमा ठेवून परिसरातून मिरवणूक काढण्यात आली होती. यावेळी समाजातील गुणवंत विद्यार्थ्यांचा सत्कार करण्यात आला. दुपारी महाप्रसादाचे वाटप करण्यात आले. देवळालीगाव गांधी पुतळा येथे शिवसेनेच्या वतीने भगवान श्री विश्वकर्मा महाराज यांच्या प्रतिमेचे पूजन माजी आमदार योगेश घोलप, नगरसेवक सूर्यकांत लवटे, जगदीश पवार यांच्या हस्ते करण्यात आले. यावेळी रमेश मकवान, सचिन काळे, अरुण मकवान, राजेंद्र काळे, विकास मोगडे, प्रमोद मकवान, मनोज काळे, ईश्वर काळे, श्रीधर मकवान, किरण डहाळे, चंद्रकांत महानुभव, विकास आदींसह समाजबांधव उपस्थित होते.