गेल्यावर्षी कोरोनामुळे निसर्गप्रेमींना कमळपुष्पांचा आनंद घेता आला नव्हता. मात्र यंदा कोरोनाचा प्रादुर्भाव कमी झाल्याने पक्षी अभयारण्य हे निसर्ग व पक्षीप्रेमींना खुले करण्यात आल्याचे नांदुरमधमेश्वर वनपरिक्षेत्र अधिकारी अशोक काळे यांनी सांगितले. पावसाळा सुरू झाला की निसर्ग विविध रंग संगतीने बहरण्यास सुरुवात होते. त्यात निसर्गात उमलणाऱ्या विविध प्रजातींची फुले मानवाला नेहमीच आकर्षित करतात. असाच एक कमळपुष्पांचा बहर राज्यातील पहिले ‘रामसर’ आंतरराष्ट्रीय दर्जा मिळविणारे नाशिक जिल्ह्यातील निफाड तालुक्यातील नांदुरमधमेश्वर वन्यजीव अभयारण्याच्या जलाशयात आकर्षण ठरत आहे. यंदा राष्ट्रीय फूल असलेल्या कमळाची अडीच एकरावर हजारो फुले फुलली आहेत. या सौंदर्यात भर घालण्यासाठी गोदावरी नदीच्या अथांग पात्रातील या लाल-पांढऱ्या फुलांवर जखाना पक्षी बसू लागल्याने निसर्गसौंदर्य आणखीनच खुलले आहे.
इन्फो
२४०हून अधिक प्रकारचे पक्षी
नांदुरमधमेश्वर अभयारण्यामध्ये करण्यात आलेल्या पक्षी निरीक्षणातून येथे २४०हून अधिक प्रकारचे पक्षी असल्याचे आढळून आले आहे. येथील जलाशयात २४ जातीचे मासे आहेत. परिसरात ४००हून अधिक प्रजातीच्या वनस्पतींची विविधता आहे. याशिवाय उदमांजर, कोल्हे, मुंगूस, लांडगे, बिबटे, विविध प्रकारचे साप दिसून येतात.
कोट...
भरतपूर अशी ओळख असणाऱ्या नांदुरमधमेश्वर येथे विविध प्रजातीची फुले सध्या बहरली आहेत. यामुळे सध्याचे वातावरणात मोहक व प्रसन्न झाले आहे. याठिकाणी मोठ्या प्रमाणात पर्यटक येत असतात. परिसराचा पर्यटन क्षेत्र विकास अंतर्गत विकास होणे गरजेचे आहे.
- नीलेश दराडे, निसर्गप्रेमी, चापडगाव
फोटो- २६ नांदुरमधमेश्वर
नांदुरमधमेश्वरच्या पानथळावर बहरलेली कमलपुष्पे.
===Photopath===
260621\26nsk_42_26062021_13.jpg
===Caption===
फोटो- २६ नांदूरमध्यमेश्वरनांदूरमध्यमेश्वरच्या पानथळावर बहरलेली कमलपुष्पे.