बोरगावपासून काही अंतरावर असलेल्या बुबळी चिराई घाट परिसरातील एका विहिरीत बिबट्या मध्यरात्रीच्या सुमारास कोळला. बिबट्या आपला जीव वाचविण्यासाठी पहाटेपासून विहिरीत धडपड करत होता. विहिरीतून आपली सुटका कशी करता येईल, या प्रयत्नात तो पाण्यातच चकरा घालत डरकाळ्या फोडू लागला. त्याच्या डरकाळ्यांचा आवाज सकाळच्या सुमारास शेतकऱ्यांच्या कानी पडला. यावेळी त्यांनी विहिरीच्या दिशेने धाव घेत आतमध्ये डोकावून बघितले असता बिबट्याची विहिरीत धडपड सुरू असल्याचे दिसले.
गावकऱ्यांनी तत्काळ वन विभागाच्या दक्षता पथकाला माहिती कळविली. काही वेळेतच सुरगाणा वनपरिक्षेत्रातील वनपाल, वनरक्षक घटनास्थळी दाखल झाले. विहिरीचा परिसर पूर्णपणे रिकामा करत बघ्यांची गर्दी वन कर्मचाऱ्यांनी दूर केली.
---इन्फो---
...अन् बिबट्याचा जीव वाचला
वन कर्मचाऱ्यांनी एक लाकडी शिडी विहिरीच्या कठड्यावरून आतमध्ये सोडली अन् शिडी दोरीच्या सहाय्याने भक्कम बांधून ठेवत तेथून काढता पाय घेतला.
बुद्धिमान वन्य प्राण्यांपैकी एक समजल्या जाणाऱ्या आणि कोणत्याही परिस्थतीशी त्वरित स्वत:ला जुळवून घेण्यात तरबेज असलेल्या या चपळ बिबट्याने ती शिडी अनेकदा पायाने हलवून तपासली. त्यानंतरच शिडीच्या लाकडी पायऱ्यांवर पाय टाकून वर येण्यास सुरुवात केली. अखेर काही वेळेतच बिबट्याने विहिरीतून सुखरूपपणे बाहेर आला. काही मिनिटे कठड्यावर बसत भिजलेले शरीर झटकत जंगलाच्या दिशेने झेप घेत पलायन केले.
---
फोटो आर वर : ०९बिबट्या१/२ नावाने सेव्ह.
===Photopath===
090321\09nsk_34_09032021_13.jpg~090321\09nsk_35_09032021_13.jpg
===Caption===
विहिरीतून बाहेर पडताना बिबट्या~विहिरीतून बाहेर पडताना बिबट्या