नाशिक :गोदावरी नदीपात्रात थेट रामकुंडापासून तर तपोवनापर्यंत तटाभोवती करण्यात आलेल्या कॉँक्रीटीकरणामुळे गोदावरीचे नैसर्गिक जलस्त्रोत संपुष्टात आले आणि नदी परावलंबी होत गेली. गोदा कॉँक्रीटमुक्त करण्याचा लढा हा थेट न्यायालयापर्यंत पोहचला. परिणामी महापालिकेने आता स्मार्टसिटीअंतर्गत ‘प्रोजेक्ट गोदा’ अभियानाद्वारे नदीपात्रातील कॉँक्रीटचे घाट फोडण्यास सुरूवात केली आहे.गोदावरी नदीचा कॉँक्रीटीकरणाद्वारे आवळलेला फास तत्काळ मोकळा करावा यासाठी गोदाप्रेमी सेवा समिती, आपलं पर्यावरण, गोदावरी गटारीकरण विरोधी मंच, नमामी गोदा अशा विविध संघटनांकडून गोदा कॉँक्रीटीकरणमुक्तीचा रेटा प्रशासनाकडे लावण्यात आला. अखेर मनपा प्रशासनाने सोमवारी (दि. ८) गोदा प्रोजेक्टअंतर्गत पहिल्या टप्प्यात कामाला सुरूवातदेखील करण्यात आली.
...अखेर गोदामाईचा श्वास होऊ लागला मोकळा !
By लोकमत न्यूज नेटवर्क | Updated: June 8, 2020 14:56 IST
गोदावरीच्या काठाभोवती २००२ साली कॉँक्रीटीकरण मोठ्या प्रमाणात करण्यात आले. तसेच मागील कुंभमेळ्याच्या पार्श्वभूमीवरदेखील टाळकुटेश्वर पुलापासून पुढे नदीच्या डाव्या-उजव्या तटाभोवती कॉँक्रीटच्या घाटांचा विस्तार थेट लक्ष्मीनारायण पुलापासून पुढे गोदावरी-कपिला संगमापर्यंत करण्यात आला.
...अखेर गोदामाईचा श्वास होऊ लागला मोकळा !
ठळक मुद्देनदीपात्र कॉँक्रीटीकरणमुक्त मोहिमेला ‘मुहूर्त’दुतोंड्या मारूती पासून प्रारंभ