ठळक मुद्दे४६ हजार २०० रुपयांचा ऐवज लंपास
पेठ : तालुक्यातील निरगुडे येथील एका बंद घराच्या दरवाजाचे कुलूप तोडून अज्ञात चोरट्यांनी दागिने व रोख असा ४६ हजार २०० रुपयांचा ऐवज लंपास केल्याची घटना घडली आहे.याप्रकरणी हरिश्चंद्र तुकाराम गावंढे यांनी पेठ पोलिसांत फिर्याद दिली आहे. बंद घराच्या दरवाजाचे कुलूप तोडून अज्ञात चोरट्यांनी सोन्याचे दागिने व रोख रक्कम असा ४६ हजार २०० रुपयांचा ऐवज चोरून नेल्याचे फिर्यादीत म्हटले आहे. पोलिसांनी घटनास्थळी पंचनामा करून गुन्हा दाखल केला असून हवालदार भुसारे अधिक तपास करीत आहेत.