------------------------
मालेगाव शहरात डासांचा उपद्रव
मालेगाव : शहरात मच्छरांनी उच्छाद मांडला आहे. सायंकाळच्या सुमारास मोठ्या प्रमाणात मच्छर आढळून येतात. यामुळे नागरिकांचे आरोग्य धोक्यात आले आहे. महापालिकेच्या आरोग्य विभागाकडून दैनंदिन प्रतिबंधक औषधांची फवारणी केली जात नाही. वारंवार तक्रार करूनही दखल घेतली जात नाही. महापालिकेने शहरात तातडीने प्रतिबंधक औषधांची फवारणी करावी, अशी मागणी केली जात आहे.
------------------------
टेहरे चौफुली बनली मृत्यूचा सापळा
मालेगाव : शहरालगतची टेहरे चौफुली मृत्यूचा सापळा बनला आहे या टेहरे रस्त्यावर मोठमोठे खड्डे पडले आहेत. खड्ड्यात रस्ते की रस्त्यात खड्डा अशी अवस्था झाली आहे. या रस्त्यावरून मोठ्या प्रमाणात अवजड वाहनांची वाहतूक होत असते. तसेच ३० ते ४० खेड्यांचा संपर्क रस्ता म्हणून हा रस्ता ओळखला जातो, मात्र सार्वजनिक बांधकाम विभागाने रस्ता दुरुस्ती कडे साफ दुर्लक्ष केल्याने नागरिकांमध्ये संताप व्यक्त केला जात आहे.
-----------------------
स्टेट बॅंक चौकात वाहतूक कोंडी
मालेगाव: शहरातील स्टेट बँक चौक परिसरात वाहतूक कोंडीची समस्या निर्माण झाली आहे. याठिकाणी स्टेट बँक शाखा दोन नामांकित हॉटेल असल्याने यात असल्याने नेहमीच वर्दळ असते, मात्र वाहनधारक रस्त्यावरच वाहने उभी करत असल्यामुळे वाहनधारकांना कसरत करीत वाहने हाकवी लागत आहेत. याठिकाणी स्वतंत्र पार्किंगची व्यवस्था करावी अशी मागणी केली जात आहे.
--------------------
नागरी वसाहतीत समस्यांकडे दुर्लक्ष
मालेगाव:- सोयगाव ते सब स्टेशन दरम्यान चा रस्ता खड्ड्यात रस्ते की रस्त्यात खड्डा असा झाला आहे. या रस्त्यालगत मोठ्या प्रमाणात नागरी वसाहती आहेत. विद्यार्थी व ज्येष्ठ नागरिक नागरिकांना या रस्त्यावरून चालता येत नाही. वाहनधारक कसरत करीत वाहने चालवितात. या रस्त्यावर खड्ड्यांचे साम्राज्य पसरले आहे. महापालिकेने तातडीने हा रस्ता दुरुस्ती करावा अशी मागणी केली जात आहे.