काजल बोरस्ते प्रथम : पिंपळगावच्या काकासाहेब वाघ महाविद्यालयास फिरता चषकमविप्र क रंडक स्पर्धेचे पारितोषिक वितरण

नाशिक : यशवंतराव चव्हाण महाराष्ट्र मुक्त विद्यापीठाच्या केटीएचएम अभ्यास केंद्राची विद्यार्थिनी काजल बोरस्ते ‘शिक्षण व्यवस्थेची पुनर्रचना : एक विचार’ या विषयावर विचार मांडून मविप्र अखिल भारतीय करंडक स्पर्धेत प्रथम क्रमांकाची विजेती ठरली.

ठळक मुद्देएचपीटी महाविद्यालयाचा अमोल गुट्टे द्वितीय करंडक स्पर्धेचे पारितोषिक वितरण

नाशिक : यशवंतराव चव्हाण महाराष्ट्र मुक्त विद्यापीठाच्या केटीएचएम अभ्यास केंद्राची विद्यार्थिनी काजल बोरस्ते ‘शिक्षण व्यवस्थेची पुनर्रचना : एक विचार’ या विषयावर विचार मांडून मविप्र अखिल भारतीय करंडक स्पर्धेत प्रथम क्रमांकाची विजेती ठरली. तिला २५ हजार रुपये रोख, सन्मानचिन्ह व प्रमाणपत्र देऊन गौरविण्यात आले, तर काकासाहेब वाघ महाविद्यालय पिंपळगाव बसवंतच्या शुभांगी ढोमसे व सोनाली जगदाळे यांनी त्यांच्या महाविद्यालयाला मविप्र करंडक मिळवून दिला. एचपीटी महाविद्यालयाचा अमोल गुट्टे याने द्वितीय क्र मांक मिळविला. रावसाहेब थोरात सभागृहात शनिवारी (दि.३) मविप्र करंडक स्पर्धेचे पारितोषिक वितरण करण्यात आले. अध्यक्षस्थानी सरचिटणीस नीलिमा पवार यांच्यासह प्रमुख पाहुणे महात्मा गांधी विद्यापीठ मॉरिशसचे मराठी विभागप्रमुख डॉ. बिदन आबा, उपसभापती राघो अहिरे, चिटणीस डॉ. सुनील ढिकले, संचालक भाऊसाहेब खातळे, डॉ. प्रशांत देवरे, सचिन पिंगळे, पद्माकर पाटील, धनंजय धनवटे, रंजना पाटील, कैलास सोनवणे, प्राचार्य डॉ. व्ही. बी. गायकवाड, डॉ. पुरु षोत्तम काळे, प्रा. अजित जाचक, प्रा. मुल्तजीब खान, डॉ. डी. डी. काजळे, सी. डी. शिंदे हे व्यासपीठावर उपस्थित होते. डॉ. बिदन आबा यांनी मॉरिशसमध्येही मराठी भाषिक मोठ्या प्रमाणात असून प्राथमिक शिक्षणापासून पदव्युत्तर शिक्षणापर्यंत मराठी भाषाही शिकविण्यात येत असून, तेथेही वक्तृत्व स्पर्धांचे आयोजन करण्यात येत असल्याचे सांगितले. नीलिमा पवार यांनी अध्यक्षीय मनोगतात, ग्रामीण भागातील विद्यार्थ्यांनी वक्तृत्व स्पर्धेमध्ये सहभाग वाढवून नेतृत्वगुणांचा विकास करावा, असे आवाहन केले. प्राचार्य डॉ. व्ही. बी. गायकवाड यांनी विजेत्यांची घोषणा केली. सूत्रसंचालन प्रा. तुषार पाटील व विद्यापीठ प्रतिनिधी ओंकार रोकडे यांनी केले.