इनरव्हील क्लबतर्फे मालेगावी हिरकणी कक्षाचे लोकार्पण

मालेगाव : येथील नवीन बसस्थानकात इनरव्हील क्लबतर्फे स्तनदा मातांसाठी उभारण्यात आलेल्या हिरकणी कक्षाचे लोकार्पण डिस्ट्रिक्ट चेअरमन वैजयंती पाठक यांच्या हस्ते करण्यात आले. या कक्षामुळे स्तनदा मातांची मोठी गैरसोय दूर झाली आहे.यावेळी प्रमुख पाहुणे म्हणून आगार व्यवस्थापक किरण धनवटे, सेवानिवृत्त आगार व्यवस्थापक शेखर कापसे, क्रेडाई अध्यक्ष विजय पोफळे,राकेश डिडवाणीया, डॉ. दिलीप भामरे, मालती वाघ, विजया अहिरे, शिल्पा देशमुख, ज्योती भोसले, रमेश शंकपाळ आदी उपस्थित होते.यावेळी आगार व्यवस्थापक किरण धनवटे व शेखर कापसे यांची भाषणे झाली. डॉ. अलका भावसार यांनी हिरकणी कक्षाच्या निगराणीसाठी समिती स्थापन केल्याची माहिती दिली.डिस्ट्रिक्ट ट्रेझरर गिरीशा ठाकरे, इनरव्हील क्लबच्या अध्यक्ष श्याम सुरते, सेक्रेटरी संगीता परदेशी, प्रोजेक्ट चेअरमन कांता भोसले, क्लब समन्वयक अ‍ॅड. सुचेता सोनवणे यांचीही भाषणे झाली. शेवटी जयमाला पवार यांनी आभार मानले.