भाम, कडवा धरणात पाणीसाठ्यात वाढ

घोटी : इगतपुरी तालुक्यात पश्चिम पट्ट्यात सुरू असलेल्या दमदार पावसामुळे दारणा, भावली धरणात जलसाठा परिपूर्ण झाल्याने या दोन्ही धरणांतून पाण्याचा विसर्ग सुरू झाला आहे. तसेच भाम व कडवा धरणाच्या पाणलोट क्षेत्रात पाऊस झाल्याने या धरणातही जलसाठा झपाट्याने वाढला आहे. ही दोन्ही धरणे ६० टक्क्यांच्या वर भरली आहे.

ठळक मुद्दे इगतपुरी तालुका : दारणा, भावलीतून विसर्ग

घोटी : इगतपुरी तालुक्यात पश्चिम पट्ट्यात सुरू असलेल्या दमदार पावसामुळे दारणा, भावली धरणात जलसाठा परिपूर्ण झाल्याने या दोन्ही धरणांतून पाण्याचा विसर्ग सुरू झाला आहे. तसेच भाम व कडवा धरणाच्या पाणलोट क्षेत्रात पाऊस झाल्याने या धरणातही जलसाठा झपाट्याने वाढला आहे. ही दोन्ही धरणे ६० टक्क्यांच्या वर भरली आहे.इगतपुरी तालुक्यात सहा मोठे प्रकल्प हे नांदूर मध्यमेश्वर प्रकल्पांतर्गत असून वैतरणा धरण हे मुंबई महानगरपालिकेचे आहे. दारणा धरणात जलसंपदा विभागाच्या धोरणानुसार ७८ टक्के जलसाठा स्थिर ठेवून उर्वरित पाणी विसर्ग करण्यात येत आहे. त्यामुळे गेल्या आठ दिवसांपासून या दारणा धरणातून पाण्याचा विसर्ग सुरू आहे तर भावली हे धरणही ओव्हरफ्लो झाल्याने आता याही धरणातून दारणापात्रात विसर्ग सुरू आहे. तालुक्यातील भाम धरणात आजस्थितीत झपाट्याने वाढ झाली आहे. हे धरण ७७.७५ टक्के भरले आहे तर कडवा धरणात ६० टक्के जलसाठा उपलब्ध झाला आहे. तर मुकणे धरणातही ४८.२९ टक्के तर वाकी धरणात अवघा ३९.७७ टक्के जलसाठा उपलब्ध झाला आहे. अप्पर वैतरणा धरणात ६८ टक्के साठा उपलब्ध झाला आहे.दारणा धरणातून ५५४० क्युसेक पाण्याचा विसर्ग सुरू असून भावली धरणातूनही २९० क्युसेक पाण्याचा विसर्ग सुरू आहे. इगतपुरी तालुक्याच्या पश्चिम पट्ट्यात अद्यापही पावसाच्या सरी कोसळत आहेत.---------------------------इन्फोधरणांचा आजचा उपलब्ध साठादारणा - ७७.७५ टक्केभावली - १०० टक्केभाम - ७२.७१ टक्केकडवा - ६० टक्केमुकणे - ४८.२९वाकी - ३९.७७अप्पर वैतरणा - ६८ टक्के