निफाड : तालुक्यातील रौळस येथे पतीने पत्नीचा कुºहाडीने खून केल्याची घटना रविवारी (दि.३१) घडली. संशयित पती फरार झाल्याने त्याच्या शोधासाठी निफाड पोलीस ठाण्याची पथके रवाना करण्यात आली आहे.रौळस येथे श्रावण किसन गायकवाड हा पत्नी सीमा व दोन मुलांसोबत राहतो. श्रावण यास दारू पिण्याचे व्यसन होते. शनिवारी (दि.३०) रात्रीच्या सुमारास तो दारू पिऊन घरी आला. त्याचे पत्नी सीमासोबत भांडण झाले. रात्री श्रावण याने कुºहाडीने सीमाच्या डोक्यात वार करून तिचा खून केला. ही घटना त्यांचा मोठा मुलगा हर्षद याने पाहिली. सकाळी जयेश त्याने ही बाब नातेवाइकांना सांगितली. घटनेनंतर संशयित आरोपी श्रावण गायकवाड हा फरार झाला. मध्यरात्री श्रावण गायकवाड याच्या नातेवाइकाने कुंदेवाडी रेल्वेस्थानक येथे त्यास पाहिले. याप्रकरणी मयत सीमा गायकवाड हिच्या मृतदेहाची उत्तरीय तपासणी निफाड उपजिल्हा रु ग्णालयात करण्यात आली.
निफाड येथे पतीने केला पत्नीचा खून
By लोकमत न्यूज नेटवर्क | Updated: April 1, 2019 01:49 IST