नामदेव भोर /लोकमत न्यज नेटवर्क
नाशिक : गृहकर्ज स्वस्त झाले असले तरी, बांधकामाचे साहित्य महागले आहे. त्यामुळे घरांच्या किमती दिवसेंदिवस वाढतच आहेत. त्यामुळे सर्वसामान्यांचे घराचे स्वप्न दिवसेंदिवस कठीण होत आहे. खासगी बँकांकडून होणारा कर्जपुरवठा कमी व्याजदराने होत असला तरी कर्ज मिळविण्यासाठी क्लिष्ट प्रक्रिया पूर्ण करावी लागत असल्याने सामान्य ग्राहक शासकीय बँकांतून कर्ज मिळविण्याचा प्रयत्न करतात. परंतु, शासकीय बँकांकडून सामान्य ग्राहकांना प्रतिसाद मिळत नसल्याने शासनाने स्वस्त घरांच्या योजनांसोबत शासकीय बँकांतून घरासाठी अर्थसाहाय्याची प्रक्रियाही सुलभ करण्याची मागणी सामान्य नागरिकांकडून होत आहे.
-----
असे आहेत गृहकर्ज दर
स्टेट बॅंक ऑफ इंडिया - ६.७५ ते ७.३०
एलआयसी - ६.९० पासून
युनियन बँक - ६.८० पासून
एचडीएफसी - ६.७५ ते ८.००
आयसीआयसीआय -६.९० ते ८.०५
२९०
----
बांधकाम साहित्यांत स्वस्ताई नाहीच !
२०१८ - २०१९ - २०२० - २०२१ (जुलै)
सिमेंट - २६० २७० ३०० - - ३६०
विटा - ४००० - ४३०० - ४५०० - ६०००
वाळू - ५००० -५५०० -६०००- ७०००
खडी - २३०० - २३०० - २३०० - ३०००
स्टील - ४५ - ४३ - ४०- - ५८
गावापासून दूर घरे स्वस्त, पण जाणे-येणे महाग
नाशिक शहरापासून उपनगरांमध्ये सातपूर, इंदिरानगर, पंचवटी, आडगाव शिवार भागातील घरांचे दर काही प्रमाणात स्वस्त आहेत. परंतु, या भागातून शहरात जाणे-येणे अधिक खर्चिक आहे. दिवसेंदिवस पेट्रोलचे दर वाढत असल्याने शहरापासून दूर घर घेताना नागरिकांकडून प्रवास खर्चाचा विचार अग्रक्रमाने करीत आहे. त्यामुळे गावापासून दूरच्या घरांच्या किमती कमी असूनही अशा घरांना फारशी मागणी नसल्याचे दिसून येत आहे.
साहित्य विक्रेते म्हणतात...
वाळुच्या ठेक्यांचे लिलाव होत नसल्याने वाळूचा तुटवडा निर्माण होत असल्याने त्याचा थेट परिणाम वाळूचे दर वाढण्याच्या स्वरुपात दिसून येत आहे. सध्या बांधकाम साहित्याच्या बाजारात चोरट्या वाळूचे प्रमाण अधिक आहे. नाशिक-मुंबईला वाळू पुरवठ्याचा मु्ख्य स्त्रोत तापी खोरे आहे. या भागातून वाळूचे ठेक्यांचे लिलाव होऊन उत्खनन प्रक्रियेतील अडसर दूर करण्याची गरज आहे.
- शांताराम ठाकरे, वाळू पुरवठादार
----
कोट-
डिझेल दरवाढीमुळे वाहतूक खर्चात वाढ झाली असून त्याचा थेट परिणाम बांधकाम साहित्याच्या महागाईच्या रुपाने झाला आहे. त्याचप्रमाणे कोरोना काळात उत्पादन बंद असल्याने मागणीच्या तुलनेत पुरवठ्याचे समीकरण बिघडल्यानेही सिंमेट स्टीलसारखे बांधकाम साहित्याचे दर वाढले आहे. कोरोनामुळे कच्च्या मालाच्या पुरवठ्यावरही परिणाम झाल्याने दरवाढ झाली आहे.
- नितीन भंडारी, संचलाक, अरिहंत ट्रडर्स
----
घर घेणे कठीणच
सध्या बँकांचे व्याजदर कमी झाले असले तरी बँकांची कर्ज उपलब्ध करून देण्याची क्लिष्ट प्रक्रिया आणि घरांच्या वाढ्त्या किमती सर्वसामान्यांच्या आवाक्याबाहेर जात आहे. त्यामुळे सामान्याचे घराचे स्वप्न अजूनही कठीणच आहे. शासनाने परवडणाऱ्या घरांच्या योजनेसोबतच गृहकर्जाची प्रक्रियाही सुलभ करणे आवश्यक.
- किरण टिळे, ग्राहक
--
चांगल्या उत्पन्नाचे स्त्रोत असलेल्या व्यक्तींनाही शासकीय बँकाकडून कर्ज पुरवठ्यास अनेक समस्यांचा सामना करावा लागतो. त्यामुळे इच्छा असूनही अनेकजण स्वत:चे घरखरेदी करू शकत नाहीत. चांगल्या परिसरात घरांच्या किमती सातत्याने वाढत असल्यामुळे घराचे स्वप्न दिवसेंदिवस कठीण होत आहे.
- सागर ढेरिंगे, ग्राहक