ठळक मुद्देविभागामार्फत शेतकऱ्यांना मृदा आणि जल यासंदर्भात मार्गदर्शन करण्यात आले.
घोटी : इगतपुरी तालुक्याच्या पूर्व भागातील एकमेव केंद्रबिंदू असलेल्या ग्रामपंचायत सर्वतीर्थ टाकेद याठिकाणी जागतिक मृदा दिन उत्साहात साजरा करण्यात आला. यावेळी इगतपुरी तालुका कृषी विभागामार्फत शेतकऱ्यांना मृदा आणि जल यासंदर्भात मार्गदर्शन करण्यात आले.इगतपुरी तालुक्यातील कृषी विभागाचे मंडळ कृषी अधिकारी भास्कर गिते यांनी शेतकऱ्यांना मृदा, मृदेची सुपिकता, मृदेतील पिकांना पोषक असलेली घटक यासंदर्भात मार्गदर्शन केले. या कार्यक्रमाप्रसंगी सरपंच तारा बांबळे, उपसरपंच रामचंद्र परदेशी, कृषी पर्यवेक्षक किशोर भरते, संजय पाटील, कृषी सहायक जयश्री गांगुर्डे, दीपा शिंदे, कृषिमित्र जगन घोडे, सतीश जाधव, सागर दवंडे आदींसह शेतकरी बांधव उपस्थित होते.