नाशिक : श्री सद्गुरू ब्रह्मचैतन्य गोंदवलेकर महाराज पुण्यतिथी उत्सव मार्गशीर्ष वद्य दशमीला अर्थात शुक्रवारी (दि. ८ ) गंगापूर रोडच्या श्री ब्रह्मचैतन्य गोंदवलेकर महाराज मंदिरात साजरा होणार आहे.शासकीय नियमांचे पालन करत अत्यंत साधेपणाने उत्सव साजरा होणार असून, सर्व भाविकांना दर्शनासाठी मंदिर दिवसभर खुले राहील. भाविकांनी मास्क व सॅनिटायझरचा वापर तसेच सामाजिक अंतराचे नियम पाळत दर्शनाचा लाभ घेण्याचे आवाहन करण्यात आले आहे. शुक्रवारी पहाटे ५.५५ ला होणाऱ्या गुलालाच्या कार्यक्रमाचे थेट प्रक्षेपण व श्रींचे दर्शन भाविकांना श्री सद्गुरू ब्रह्मचैतन्य गोंदवलेकर महाराज उपासना मंदिर, नाशिक या फेसबुक पेजवर पाहण्याचीदेखील व्यवस्था करण्यात आली आहे.
गोंदवलेकर महाराज पुण्यतिथी उत्सव
By लोकमत न्यूज नेटवर्क | Updated: January 5, 2021 00:48 IST