सप्तश्रृंगगडावर ललिता पंचमीनिमित्त देवीची महापुजा

पांडाणे -साडेतिनशक्ती पिठापैकी आद्य पिठ संबोधले जाणाऱ्या सप्तशृंगी देविचा शारदीय नवरात्र उत्सवात गुरूवारी सकाळी नऊ वाजता ललिता पंचमीनिमित्त देवीची महापुजा करण्यात आली .ललीत पंचमीनिमीत्यांने महापुजा अ‍ॅड अविनाश भिडे यांनी केली. देवीचे पुजारी गौरव देशमुख , राजेंद्र दिक्षीत ,व्यवस्थापक सुदर्शन दहातोंडे , भगवान नेरकर,जनसंपर्क अधिकारी भिकण वाबळे , उपसरपंच राजेंद्र गवळी , प्रशांत निकम , किरण राजपूत यांच्या उपस्थितीत महाआरती करण्यात आली.देवीला पिवळ्या रंगाचा अकरा वारी पैठणीने तिन मिटरची कंचोळी असून त्यामुळे देविचे रु प अधिक खुलून दिसत होते. ललीत पंचमीच्या माळेनुसार भगवतीला हिरे , माणिक मोतीचा सोनेरी मुकूट , गळ्यात पुतळीहार , कोथरी हार , मंगळसुत्र , कर्णफुले, नथ , सोन्याचा कंबर पट्टा, पायात सोन्याचे तोडे , सुवर्ण पाऊल ,निंबूची माळ ,सुवर्ण पादुका तसेच नागीन पानाचा सुंदर दिसनारा हार असे अलंकारांनी भगवतीचे रु प खुप देखणे व खुलून दिसत होते .गडावर भाविकांच्या सेवेसाठी मराठा बटालीयनचे ऐंशी , आपत्ती व्यवस्थापन ७५ न्यासाचे ३९ व अनुरु ध्द आश्रमाचे दोनशे असे एकून तिनशे चौ्या ऐंशी स्वयंसेवक सेवा बजावत असल्याचे व्यवस्थापक सुदर्शन दहातोंडे व कार्यकारी अधिकारी भगवान नेरकर यांनी सांगितले .यात्रा काळात नांदूरी पायथ्याजवळ चोख पोलीस बंदोबस्त असून वाहतुक शाखेचे कर्मचारी भाविकांना आपले वाहन पार्किंला लावून आपले पैसे व मौलवान वस्तू सांभाळण्याचे आवाहन करित आहेत.