नाशिक : गेल्या रविवारी गोदावरीला महापूर आल्याने नाशिककरांना मोठा फटका बसला. या महापूरातून हळुहळु गोदाकाठ सावरू लागला असून शनिवारी (दि.१०) गोदावरीच्या पातळीत पून्हा वाढ झाल्याचे दिसून आले. गंगापूर, आळंदी या दोन्ही धरणांमधून सकाळपासून विसर्ग वाढविण्यात आल्याने गोदावरीला पूरसदृश्य स्थिती पहावयास मिळाली. सायंकाळी उशिरापर्यंत गोदावरीतील दुतोंड्या मारूतीची मुर्ती छातीपर्यंत बुडाली.गोदाकाठ महापूरानंतर सावरताना पहावयास मिळत आहे. महापूराच्या तीव्रतेनंतर त्याच्या खाणाखूणा गोदाकाठवर फे रफटका मारताना सहज नजरेस पडतात. २००८सालापेक्षाही अधिक भयंकर महापूर अनुभवल्याचे गोदाकाठावरील रहिवशांशी चर्चा केल्यावर लक्षात येते. गोदावरीवरील सर्वात लहान असलेला रामसेतूला पाणी शनिवारी दुपारी लागले होते. गंगापूर धरणातून सुमारे ७ हजार २१५ तर आळंदीमधून ९६१क्युसेकचा विसर्ग गोदापात्रात सुरू आहे.
गोदावरीला पून्हा पूरसदृश्य स्थिती; रात्रीपर्यंत पाणी ओसरणार
By लोकमत न्यूज नेटवर्क | Published: August 10, 2019 6:00 PM
गंगापूर धरणातून सुमारे ७ हजार २१५ तर आळंदीमधून ९६१क्युसेकचा विसर्ग गोदापात्रात सुरू आहे. शुक्रवारपर्यंत हा विसर्ग ४ हजाराच्या जवळपास होता. तसेच शहरातील भूमिगत गटारी, नालेदेखील अद्याप ओसंडून वाहत असल्याने गोदावरीच्या होळकर पूलाखालून सुमारे ११ हजार २१ क्युसेक पाणी रामकुंडातून पुढे प्रवाहित होते.
गोदावरीला पून्हा पूरसदृश्य स्थिती; रात्रीपर्यंत पाणी ओसरणार
ठळक मुद्देशहरात सायंकाळपर्यंत ६.२ मिमी पाऊस गंगापूर धरणातून सुमारे ७ हजार २१५ क्युसेकचा विसर्ग