शहरात वेगवेगळ्या दुर्घटनांमध्ये चार ठार

नाशिक : शहर व परिसरात वेगवेगळ्या ठिकाणी दुचाकी आणि रिक्षाच्या अपघातांमध्ये चौघांना आपला जीव गमवावा लागला आहे. यामध्ये दोघे युवकांचा समावेश आहे. जेलरोड, चेहेडी, आडगाव, जुने नाशिक या भागात या मोटार अपघाताच्या दुर्घटना घडल्या.

ठळक मुद्देदोन युवकांचा समावेश : रिक्षा, दुचाकींना अपघात; गुन्हे दाखल

नाशिक : शहर व परिसरात वेगवेगळ्या ठिकाणी दुचाकी आणि रिक्षाच्या अपघातांमध्ये चौघांना आपला जीव गमवावा लागला आहे. यामध्ये दोघे युवकांचा समावेश आहे. जेलरोड, चेहेडी, आडगाव, जुने नाशिक या भागात या मोटार अपघाताच्या दुर्घटना घडल्या.जेलरोड परिसरात रिक्षा उलटून झालेल्या अपघातात गंभीर जखमी झालेल्या प्रशांत सुरेश बर्वे (३८, रा. पंचक, सरस्वतीनगर, जेलरोड) याचा उपचारादरम्यान मृत्यू झाला.शनिवारी रात्री साडेनऊ वाजेच्या सुमारास त्याची रिक्षा अचानकपणे उलटल्याने बर्वे गंभीर जखमी झाले होते. या प्रकरणी नाशिकरोड पोलीस ठाण्यात नोंद करण्यात आली आहे. दुसऱ्या घटनेत मुंबई-आग्रा महामार्गावर विरूद्ध दिशेने भरधाव दुचाकीने समोरून येणाºया दुसºया दुचाकीला धडक दिल्याने झालेल्या अपघातात एक ठार तर दुसरा गंभीर जखमी झाल्याची घटना आडगाव शिवारात घडली. सैयद अली सैयद (पूर्ण पत्ता नाही) असे याअपघातात ठार झालेल्या युवकाचे नाव आहे. तर संजय नारायण माळोदे (३५, रा. दत्तमंदिर, आडगाव) हे गंभीर जखमी झाले आहेत. पोलिसंनी दिलेल्या माहितीनुसार ही घटना ९ आॅगस्टला दुपारी घडली. यातील मृत्यू झालेला सैयद हा त्याच्या दुचाकीवरून (एमएच १५ एल. १३४५) विरूद्ध दिशेने भरधाव येत होता. समोरून माळोदे त्यांच्या दुचाकीने (एमएच १५ बीएल ५६०६) येत होते.सैयद याचा ताबा सुटल्याने त्याची दुचाकी माळोदे यांच्या दुचाकीवर जाऊन आदळली. या धडकेत दोघेही गंभीर जखमी झाले. त्यांना रुग्णालयात दाखल करण्यात आले होते. उपचारादरम्यान सैयद याचा मृत्यू झाला.तिसºया घटना नाशिक - पुणे महामार्गावर घडली. सायकलवरून पडून गंभीर जखमी झालेल्या एका इसमाचा मृत्यू झाल्याची घटना रविवारी (दि.१६) सकाळी चेहेडी परिसरात घडली. प्रवीण नामदेव बेलेकर (५३, रा. चेहेडी) असेमयत झालेल्या व्यक्तीचे नाव आहे. बेलेकर हे सायकलवरून जात असताना चेहेडीजवळ खाली पडल्याने गंभीर जखमी झाले होते.दुचाकी घसरून युवक ठारभरधाव दुचाकी घसरून झालेल्या अपघातात युवक ठार झाल्याची घटना जुने नाशिकमधील मोठा राजवाडा परिसरात घडली. विकी संतोष तेजाळे (२४, रा. मोठा राजवाडा) असे आपघतात ठार झालेल्या युवकाचे नाव आहे. विकी हा दुचाकीने भरधाव जात असताना दुचाकी घसरून अपघात झाला. यावेळी तो रस्त्यावर पडल्याने त्याच्या डोक्यास गंभीर मार लागला होता. त्यास उपचारासाठी जिल्हा रूग्णालयात दाखल करण्यात आले; परंतु उपचारादरम्यान त्याचा मृत्यू झाला.