विजेचा धक्कयाने शेतकर्याचा मृत्यु

लासलगाव : निफाड तालुक्यातील विंचूर येथे विद्युत मोटार चालू करण्यासाठी गेलेल्या एका शेतकऱ्याचा स्टार्टर चा शॉक लागून मृत्यू झाल्याची घटना सोमवारी सकाळी दहा वाजेच्या सुमारास घडली.दिपक श्रीधर जेऊघाले असे या मृत्यू झालेल्या शेतकऱ्याचे नाव आहे.

ठळक मुद्देउपचारासाठी लासलगाव ग्रामीण रुग्णालयात दाखल केले

लासलगाव : निफाड तालुक्यातील विंचूर येथे विद्युत मोटार चालू करण्यासाठी गेलेल्या एका शेतकऱ्याचा स्टार्टर चा शॉक लागून मृत्यू झाल्याची घटना सोमवारी सकाळी दहा वाजेच्या सुमारास घडली.दिपक श्रीधर जेऊघाले असे या मृत्यू झालेल्या शेतकऱ्याचे नाव आहे.याबाबत लासलगाव ग्रामीण रुग्णालयाचे कक्ष सेवक गणेश केदु भवर यांनी लासलगाव पोलीस ठाण्यात दिलेल्या माहितीवरून व पोलीस सूत्रांनी दिलेल्या माहितीनुसार विंचूर शिवारातील दिपक श्रीधर जेऊघाले वय २७ रा.मोठी बाग,जेऊघाले वस्ती हा सोमवारी सकाळी त्याच्या शेतातील विहीरीवर मोटार चालु करण्यासाठी गेला असता त्यास स्टार्टर चा शॉक लागल्याने त्याचा भाऊ संकेत अशोक जेऊघाले याने उपचारासाठी लासलगाव ग्रामीण रुग्णालयात दाखल केले असता डॉ.आर एस पाटील यांनी तपासुन त्यास मयत घोषित केले .या प्रकरणी लासलगाव पोलीस ठाण्यात अकस्मात मृत्यूची नोंद करण्यात आली असून पुढील तपास स पो नि राहुल वाघ यांच्या मार्गदर्शनाखाली पोलीस नाईक योगेश शिंदे करत आहे