सायगावला विहिरीत पडून शेतकऱ्याचा मृत्यू

येवला : तालुक्यातील सायगाव शिवारात विहिरीत पडून युवा शेतकऱ्याचा मृत्यू झाल्याची घटना घडली आहे.

सायगाव येथील प्रमोद सीताराम लोहकरे (३४) यांचा सायगाव शिवारातील विहिरीच्या पाण्यात तोल जाऊन पडल्याने मृत्यू झाला. सदर घटनेची माहिती अमित सीताराम लोहकरे यांनी तालुका पोलिसांना दिली. या प्रकरणी पोलिसांनी अकस्मात मृत्यूची नोंद केली असून अधिक तपास पोलीस हवालदार हेंबाडे हे करत आहेत.

------------------