स्थायी समिती सभापतीपदासाठी मंगळवारी निवडणूक

महापालिकेच्या यंदाच्या कारकिर्दीतील ही अखेरची स्थायी समितीची निवडणूक असल्याने सत्तेसाठी भाजपा आणि विरोधकांमध्ये अटीतटीची लढत होत आहे. विशेषत: या समितीवर प्रभुत्व मिळवण्यासाठी शिवसेनेने तौलनिक संख्याबळाचा मु्द्दा पुढे करून भाजपाची केांडी केली. उच्च न्यायलयात सेनेने बाजी मारल्यानंतरही भाजप मात्र सत्ता राखण्यासाठी जीवापाड प्रयत्न चालवले असून ज्या दिवशी नुतन सदस्यांची घेाषणा झाली तेव्हापासून सर्व सदस्यांना सहकुटूंब सहलीवर पाठवले आहे. त्यानंतर शिवसेनेने त्यांचाच कित्ता गिरवला असला तरी विरोधकांत फाटाफुट असून मनसे अगोदरच भाजपाच्या गळाला लागला आहे. अशा स्थितीत अनेक डावपेच टाकून सेना सत्ता मिळवण्यासाठी प्रयत्न करीत आहे. भाजपाकडून अनेक जण इच्छूक असले तरी सत्ता काबीज करण्यासाठी पक्षाचे यापूर्वीचे नियम धाब्यावर बसवून गणेश गिते यांना सभापतीपदाची उमेदवारी देण्याची तयारी चालवली आहे. तर शिवसेनेत सुधाकर बडगुजर किंवा सत्यभामा गाडेकर यांची नावे चर्चेत आहेत.