‘एटीएम’मध्ये पैसे काढण्यासाठी गेलेल्या वृद्धांना मदत करण्याच्या बहाण्याने गंडविणाºयास अटक

नाशिक : एटीएममध्ये पैसे काढण्यासाठी गेलेल्या वृद्ध नागरिकांना मदत करण्याच्या बहाण्याने पैसे काढणाºया जेलरोड येथील संशयितास शहर गुन्हे शाखेच्या युनिट एकने अटक केली आहे़

ठळक मुद्देपोलीस ठाण्यात गुन्हा दाखलमाहिती काढून संशयिताचा शोध

नाशिक : एटीएममध्ये पैसे काढण्यासाठी गेलेल्या वृद्ध नागरिकांना मदत करण्याच्या बहाण्याने त्यांच्याकडून पिन नंबर घेतल्यानंतर कार्डची अदला-बदल करून पैसे काढणाºया जेलरोड येथील संशयितास शहर गुन्हे शाखेच्या युनिट एकने अटक केली आहे़ वरिंदर बिलबहादूर कौशल (३३, रा़ फ्लॅट नंबर २ ए, गजानन अपार्टमेंट, संत नरहरीनगर, जेलरोड, नाशिकरोड) असे या भामट्याचे नाव आहे़पेठरोड येथील स्टेट बँक आॅफ इंडियाच्या एटीममधून श्रीराम भार्गव (६४) हे २० डिसेंबर २०१७ रोजी पैसे काढण्यासाठी गेले होते़ या ठिकाणी असलेला संशयित कौशल याने पैसे काढण्यासाठी मदत करण्याच्या नावाखाली त्यांच्या एटीएमचा पिन घेऊन कार्डची अदला-बदल केली़ यानंतर नाशिक, ठाणे, मुंबई, जयपूर अशा विविध ठिकाणांहून भार्गव यांच्या खात्यातून चार लाख २५ हजार रुपये परस्पर काढून घेतले़ या प्रकरणी भार्गव यांच्या फिर्यादीनुसार पंचवटी पोलीस ठाण्यात गुन्हा दाखल करण्यात आला होता़ पोलीस आयुक्त रवींद्रकुमार सिंगल यांनी या संशयिताचा शोध घेण्याचे आदेश दिले होते़ शहर गुन्हे शाखेच्या युनिट एकचे पोलीस निरीक्षक आनंद वाघ, सहायक पोलीस निरीक्षक महेश कुलकर्णी व पथकाने या गुन्ह्यातील संशयिताची सतत माहिती काढून संशयिताचा शोध घेतला असता तो संशयित वरिंदर कौशल असल्याचे समोर आले़ नाशिकरोड परिसरात राहणाºया कौशल हा सोमवारी सोमवारी (ता.२९) घरी येणार असल्याची माहिती मिळाली होती. त्यानुसार गुन्हे शाखेने सापळा रचला असता संशयित कौशल स्कोडा वाहनातून आला असता त्यास ताब्यात घेतले़ त्याची पोलीस पद्धतीने चौकशी केल्यानंतर त्याने गुन्ह्याची कबुली दिली़ शहर गुन्हे शाखेच्या युनिट एकचे वरिष्ठ पोलीस निरीक्षक आनंदा वाघ यांच्या मार्गदर्शनाखाली सहायक निरीक्षक महेश कुलकर्णी, सचिन खैरनार, दीपक गिरमे, नागेश मोहिते, जाकीर पठाण, रवींद्र बागुल, दिलीप मोंढे, विशाल काठे, विशाल देवरे यांनी ही कामगिरी केली़ संशयित कौशल यास अधिक तपासासाठी पंचवटी पोलिसांच्या ताब्यात देण्यात आले आहे़अनेक एटीएम कार्डसंशयित कौशलकडून पोलिसांनी अनेक नागरिकांचे एटीएम कार्ड जप्त केले असून, शहरातील अनेकांना त्यांनी मदतीच्या नावाने गंडा घातला आहे़ विशेष म्हणजे नागरिकांना गंडा घालणाºया कौशल हा महागडी चारचाकी वाहने तसेच ऐशोआराम पद्धतीने जीवन जगत होता़