विलंबामुळे रेल्वे प्रवाशांचे हाल

इगतपुरी रेल्वे स्थानकामधील पादचारी पुलासाठी गर्डर टाकण्याच्या कामासाठी मेगा ब्लॉक घेण्यात आल्याने प्रवाशांची गैरसोय झाली होती.

नाशिकरोड : इगतपुरी रेल्वे स्थानकामधील पादचारी पुलासाठी गर्डर टाकण्याच्या कामासाठी मेगा ब्लॉक घेण्यात आल्याने प्रवाशांची गैरसोय झाली होती.शुक्रवारपासून सोमवारपर्यंत पहाटे ३.४५ ते सकाळी १०.३० पर्यंत पॉवर ब्लॉक घेण्यात आला आहे. त्यामुळे मुंबई-भुसावळ व भुसावळ-मुंबई पॅसेंजर तीन दिवस रद्द करण्यात आल्याने खांदेशमधील प्रवाशांची मोठी गैरसोय झाली आहे. एलटीटी-गुवाहटी एक्स्प्रेस, सीएसएसटी-नांदेड तपोवन एक्स्प्रेस, एलटीटी-फैजाबाद-राय बरेली या गाड्यांच्या मार्गात बदल करण्यात आला आहे. यामुळे लांब पल्ल्याच्या रेल्वेने जाणाऱ्या प्रवाशांची गैरसोय होत आहे.